Isasampa ng 9 bokal PLUNDER VS GOV. SUAREZ, ET AL.

0

MAGSASAMPA ng kasong plunder o pandarambong ang siyam na miyembro ng Sangguniang Panlalawigan ng Quezon laban sa mga opisyal ng Pamahalaang Panlalawigan sa pangunguna ng kanilang gobernador sakaling ituloy ng mga ito ang pagpapalabas at paggamit sa 2021 Annual Budget ng probinsya.

Ayon sa siyam na miyembro ng Sanggunian sa pangunguna ni Majority Leader Bokal Sonny Ubana, gagawin nila ang pagsasampa ng kaso sa hukuman laban kina Gov. Danilo Suarez at mga department heads ng Kapitolyo sa oras na gamitin ng mga ito ang annual budget kahit hindi pa nareresolba sa hukuman ang usapin hinggil dito.

Matatandaan na ang panukalang 2021 Annual Budget ay hindi inaprubahan ng mga bumubuo ng Majority Bloc ng panlalawigang konseho dahil sa anila’y pagiging depektibo at kwestyunable nito.
Gayunman, kamakailan lamang ay inaprubahan din ito ng apat na mga Bokal na bumubuo ng Minority Bloc sa isang special session makaraang suspendehin ang walong Bokal ng Office of the President sa pamamagitan ng Department of Interior and Local Government (DILG).

Bilang reaksyon, ang mga nasuspindeng Bokal ay nagharap ng petition sa husgado dahil sa anila’y ilegal na pagdaraos ng dalawang special session ng apat na Bokal at ng Vice- Governor at ilegal na pag-apruba ng mga ito sa annual budget para sa 2021 at 2022.

Sa kabila nito, pinaninindigan umano ng gobernador na legal ang ginawa ng mga kaalyado niya sa konseho. Agad din siyang nag-anunsyo sa publiko na itutuloy ang paggamit sa pondo at nangako sa mga kinauukulan na kanila na itong mapakikinabangan sa lalong madaling panahon.

“Nasa pagpapasya ni Gov. Suarez kung itutuloy niya ang paggamit sa annual budget kahit nagsampa na kami ng petisyon sa mga hukuman upang linawin ang legalidad nito. Kung itutuloy niya, kami naman ng walo kong kasamahang Bokal sa Majority Bloc ay magsasampa ng kasong plunder laban sa kanya at sa kanyang mga department heads na susunod sa mga iuutos niya para ma-release at magamit ang budget,” wika ni Bokal Ubana.

Matatandaan na bukod sa anak ng gobernador na si dating Gov. Jayjay Suarez, ilang department heads sa Kapitolyo ang nahaharap din sa mabibigat na kaso.

Sila ay sina Provincial Accountant Evangelina Ong, Provincial Treasurer Rosario Marilou Uy, Provincial  Budget Officer Diego Salas, at Provincial Agriculturist Roberto Gajo.

“Hindi namin gustong madamay sa mga kaso ang mga department heads ng Kapitolyo subalit kailangan naming gawin ang tama upang protektahan ang pondo ng lalawigan”, wika pa ni Ubana.

Read More

3M TARGET NG DOH 4-A SA NAT’L VAX DAY

0

CALAMBA CITY, Laguna-Tinatayang 3 milyong residente ang target mabakunahan ng Department of Health – Calabarzon sa 3-day National Vaccination na magsisimula ngayong araw hanggang sa Miyerkoles.

Nakahanda na ang vaccination teams na magpo-focus sa mga lugar na may mabababang vaccination coverage at target na makapagbakuna ng 1 milyon kada araw.

Ayon kay DOH-Calabarzon Regional Director Ariel I. Valencia, kabilang ang GIDA o Geographically Isolated and Disadvantaged Areas na target at island communities na kanilang aasistehan sa

pamamagitan ng pagbibigay ng tamang impormasyon tungkol sa COVID-19 at ang kahalagahan ng pagpapabakuna ng mga residente.

Sinabi pa ni Valencia, ligtas ang lahat ng brand ng bakuna kaya’t iwasan na ang mamili.

Makikipagtulungan din ang local government units (LGUs) na may 174 grupo ng mga bakunador kaya’t hinihikayat nito ang lahat na makiisa at lumahok sa tatlong araw na bakunahan na sabayang gaganapin sa buong bansa.

Read More

14-ANYOS PATAY SA DEMOLISYON

0

NAWALAN na ng bahay, nawalan pa ng mahal sa buhay ang isa sa mga residenteng dinemolis sa Brgy. Mayamot, Antipolo City.

Sinabing inatake sa puso ang 14-anyos na si Mica Antoinette Ferrer nang makitang ginigiba ng demolition team ang kanilang bahay kamakalawa sa V.V. Soliven Open Space sa naturang barangay.
Alas-3:00 ng hapon nang simulan ang paggiba sa kabahayan ng nasa 100 pamilya.

Ang demolition team ay sinamahan ng mga armadong pulis at assault team na pinangunahan ni Rizal PNP Provincial Director P/Col. Dominic Baccay.

Bunga nito, hiniling ng pamilya ng dalagita sa National Bureau of Investigation (NBI) na magsiyasat upang mabigyang katarungan ang sinapit ng biktima.

Naghihimutok din ang mga residente dahil pinabayaan umano sila ng Antipolo City Government na pansamantalang manatili sa semento sa covered court sa nasabing lugar imbes mabigyan ng relokasyon. (KNOTS ALFORTE)

Read More

BOKSINGERO NADALE SA KURYENTE

0

HINDI sa suntok kundi sa kuryente nasawi ang dating boksingero nang madikit ito sa high tension wire habang nagkukumpuni ng bubong sa bayan ng Magsaysay, Davao Del Sur.

Agad binawian ng buhay ang biktimang si Gerardo “Gerry” Quiñones, 48-anyos.

Ayon sa ulat, nagpapalit ng bubong sa ikalawang palapag ng gusali ang biktima nang madikit ito sa kable ng Davao del Sur Electric Cooperative.

Napabilang ang biktima sa larangan ng boksing nuong dekada 90. Nang matapos ang karera ay pumasok siya sa construction. (JESSE KABEL)

Read More

MIYEMBRO NG DAWLAH ISLAMIYA NAPATAY

0

PATAY ang isang miyembro umano ng terrorist group na Dawlah Islamiya sa pakikipagsagupaan sa mga tauhan ng Polomolok PNP sa South Cotabato.

Kinilala ni Police Lt. Redin Cuevas, deputy chief of police ng Polomolok, ang napatay na si Esmael Sambial, spotter din umano ng Ali Boy Nilong terror group at responsable sa recruitment ng grupo sa Brgy. Basag, Tboli at iba pang barangay sa Polomolok.

Namataan si Sambial kasama ang kanilang lider na si Zadee Nilong, alyas Ali Boy ilong at nasa 15 pang armadong kalalakihan. Ngunit nakatakas ang mga terorista sa gitna ng bakbakan maliban kay Sambial na agad minalas nang mahagip ng mga bala. (JESSE KABEL)

Read More

14 DAYS QUARANTINE SA TRAVELLERS PINABABALIK

0

IMINUNGKAHI ng isang health expert ang pagsasailalim muli sa 14 days quarantine ng mga international traveller na pumapasok sa bansa kasunod ng nakaambang panganib sa bagong COVID-19 variant na Omicron.

Ayon kay Dr. Tony Leachon, dating tagapayo ng pamahalaan, dapat ding dagdagan ang mga bansang iba-ban partikular ang mga nakitaan ng naturang variant.

“Dapat iyan repasuhin at ibalik sa mas mahigpit na quarantine kasi itong ganitong mga variant, nag-i-increase ang transmission nito,” ayon kay Leachon sa panayam ng ABS-CBN’s TeleRadyo.

Sa kasalukuyan, ang mga biyahero mula sa mga bansa na nasa ‘yellow list’ at bakunado na kontra COVID-19 ay kailangang sumailalim na lamang sa tatlong araw na quarantine pagdating sa Pilipinas, kung may negatibo silang RT-PCR test, 72 oras bago ang kanilang biyahe.

Aniya, kailangang iprayoridad ang pagba-ban sa mga biyahero galing ng Hong Kong matapos madiskubre ang Omicron variant sa naturang teritoryo. (RENE CRISOSTOMO)

Read More

Para sa kaligtasan ng bikers BICYCLE LANES DAGDAGAN -DEFENSOR

0

NABABAHALA si Anakalusugan party-list Rep. Mike Defensor na posibleng lumala pa ang disgrasya sa hanay ng mga biker dahil sa kakulangan ng imprastraktura para sa mga ito.
Ito’y sa gitna ng parami nang paraming nagbibisikleta papasok sa trabaho dahil sa kawalan ng masasakyan at upang makaiwas ang mga ito sa COVID-19.

“In Metro Manila alone, we saw a 48 percent jump in bicycle road crashes in 2020. The rate of increase in accidents this year is bound to be even higher, considering that more people are choosing to go to work in bicycles,” ani Defensor.

Base sa datos aniya ng Metro Manila Development Authority (MMDA), lumobo sa 2,606 ang bicycle road accident noong 2020 mula sa 1,759 noong 2019 na isang patunay na dumami ang nagbibisikleta sa panahon ng pandemya subalit dumami rin ang nadisgrasya dahil sa hindi sapat ang imprastraktura.

Posible aniyang hindi pa ito ang eksaktong bilang dahil malalang aksidente lamang ang nai-report at naidokumento at hindi ang minor accidents maging sa mga nasa probinsya.

“We have to restructure and redesign our streets to accommodate the influx of bicycles. Right now, bicycle riders have very little leeway to safely navigate through motor vehicle traffic in our heavily congested roads, thus causing many accidents,” ayon sa mambabatas.

Dahil dito, muling umapela ang mambabatas sa liderato ng Kamara na ipasa na ang kanyang House Bill (HB) 10396 o Bike-Friendly Communities Act para maglagay ng cycling infrastructure, hindi lamang sa Metro Manila kundi sa buong bansa.

Isa ang proyektong ito sa nais tutukan ni Defensor sakaling maging alkalde ng Quezon City.

Tiniyak nito na magkakaroon ng maayos at ligtas na kalsada sa buong lungsod para sa bikers dahil kasama ito sa P9 Billion infrastructure program niya.

“We will use a portion of the spending to expand and improve the city’s bicycle lane network,” ayon naman sa running mate ni Defensor na si Quezon City Councilor Winnie Castelo. (BERNARD TAGUINOD)

Read More

AIRPORTS, SEAPORTS BANTAYAN – ACT-CIS

0

NANANAWAGAN ang ACT CIS Party-list sa mga kinauukulan na bantayan ang airports at seaports ng bansa para hindi makapasok ang bago at malakas na strain ng covid virus na Omicron na galing South Africa.

Ayon kay ACT CIS Nominee Edvic Yap, “dapat ngayon pa lang maghigpit na ang Immigration, Bureau of Quarantine at iba pang ahensya na nagmomonitor ng pagpasok ng mga tao sa ating bansa”.

“Naalala ko kasi naghigpit tayo sa ating mga borders pero nakapasok na ang Delta variant noon,” ayon kay Yap.

Aniya, “ngayon pa lang lahat ng papasok sa ating bansa and no exception kung saang bansa galing whether OFW, balikbayan o foreigner, dapat may RT PCR test result na sa point of origin nila”.
“On top of that may 3 day quarantine pa rin and swab testing uli dito,” dagdag pa ng mambabatas.

Tiniyak rin nila na naghahanda na ang kanilang grupo ng mga bigas at pagkain na ipadadala sa mga lugar na magla-lockdown kung sakaling makapasok na ang Omicron strain ng Covid sa bansa.

Read More

HIGIT 6K ANTI-COVID TABLETS IPAMAMAHAGI SA MGA OSPITAL SA MAYNILA

0

IPAMAMAHAGI na ang 6,600 tableta ng Anti – COVID drug na Baricitinib makaraang tanggapin nina Manila Mayor Isko Moreno at Vice Mayor Doktora Honey Lacuna – Pangan  nitong Biyernes, para sa mga pasyenteng nakararanas ng moderate to severe symptoms.

“Pumanatag kayo dahil kasama niyo kami ni Vice Mayor Honey Lacuna at ang buong pamahalaang lungsod ng Maynila dito sa ating kinakaharap na pandemya,” pahayag ng alkalde.
“Patuloy kaming magsisikap na maging mainam, masinop, at episyenteng mga lingkod-bayan,” dagdag pa nito.

Ayon sa US Food and Drug Administration, nakita na mayroong 29-day shorter recovery time sa isinagawang clinical trials sa COVID-19 patients na binigyan ng gamot na baricitinib kasabay ng remdesivir.

Magagamit ang Baricitinib sa anim na ospital sa lungsod– Sta. Ana Hospital, Ospital ng Maynila, Gat Andres Bonifacio, Justice Jose Abad Santos, Ospital ng Sampaloc, at Ospital ng Tondo, maging sa Manila COVID-19 Field Hospital. (RENE CRISOSTOMO)

Read More