Gen. Cruz walang aksyon sa ilegalistang si ‘Kap. Biskotso’ ‘PAIHI’, JUETENG TALAMAK SA BATANGAS

0

SA kabila ng paulit-ulit na pagpuna hinggil sa petrol pilferage o paihi sa Batangas ay wala umanong aksyon ang pamunuan ni Region 4A chief B/Gen. Eliseo Cruz.

Ayon sa pagbubunyag ng isang ship captain, mistulang kalakaran na ang pagkakaroon ng petrol pilferage sa mga barko sa karagatan ng Batangas dahil sa kawalan ng aksyon ng mga awtoridad partikular si Gen. Cruz.

Sa pagtatanong ng SAKSI Ngayon, iniutos na umano ni PNP chief Gen. Guillermo Eleazar kay Gen. Cruz na imbestigahan ang katotohanan sa likod ng expose ng nasabing ship captain.

Ngunit marami ang nagtataka dahil tila hindi pa rin kumikilos si Gen. Cruz para matugunan ang mga reklamo.

Nabatid pa ng SAKSI Ngayon na isang ‘Kap. Biskutso’ ang gumagamit umano sa pangalan ni Gen. Cruz para magkaroon ng koneksyon sa mga sangkot sa buriki.

Base sa pagbubunyag ng ship captain, ang ‘tres musketeros’ na sina Arlon, Buloy at Ronald ang nagpapatakbo sa nakawan ng petrol products mula sa malawak na karagatan ng Batangas hanggang Visayas seas.

Ang tatlong musketeros na ito umano ang may protection sa kapulisan na regular na tumatanggap ng ‘lagay’ o bribe money sa sindikato, isa rito ang isang mataas na opisyal ng regional maritime police office.

Nabatid pa na hindi lang sa sindikato ng paihi at patulo pasok si Kap Biskotso dahil ginagamit din umano nito ang pangalan ni Gen. Cruz hanggang sa pangongolekta sa illegal vices.

Bukod dito, kilala rin umano si Kap Biskotso na hindi lang tong collector na ginagamit ng mga tiwaling police official kundi illegal gambling operator din dahil may rebisahan ito ng jueteng sa Brgy. 7, sa Poblacion Tanauan City.

Kabilang din sa kinokotahan ni Kap. Biskotso ang jueteng o bookies operator na sina Banog at Lito sa Malvar; Wally, Jun at Lito sa Sto. Tomas City; Timmy sa Mabini, Bauan at San Pascual; Zaldy at Bedung sa Taysan.

Sa Tanauan City, ang mga suki naman ay sina Anabel ng Pantay na Matanda, Bagsik ng Janopol, Benir, Angel, Ablao at Melchor ng Brgy. Darasa; Tano, Kap. Mario ng Brgy. Pantay na Bata, Jr. Biscocho ng Brgy. 7 at Putuhan, Lito ng Brgy. 7 at Putuhan at Perez ng Poblacion.

Kasama rin sa iniikutan sina jueteng financiers Ocampo ng Brgy. Bagbag, Emil, Ramil, Aldrin, Terio, Angke at Ms. Lilian ng Brgy. Sambat, Lawin at Ms. Dona ng Brgy. Pantay na Bata at Pantay na Matanda, Rowel, Tano at Berania ng Brgy. Trapiche, Engke, Cancio, Dama at Dexter ng Brgy. Ulango, pawang ng Tanauan City.

Sa Padre Garcia, ang jueteng operator na kinokolektahan ay sina Kap Tisoy at Kap Idol.

Sa Lipa City kung saan may pinakamaraming jueteng o STL bookies operator ay may lingguhang tara din si Kap Biskotso sa kinatatakutang “Big 4” na kinabibilangan nina alias Gary, Ms. Ana, alias Macoy Recto at Icaro, alias Lescano, na may kontrol naman sa koleksyon ng jueteng sa Brgy. Sabang at may 15 barangay kabilang din ang Poblacion, Lipa City.

Ang iba jueteng operator sa Lipa City ay sina alias Gary, alias Kap Zara, alias Kap Randy, alias Kap Fonti, alias Kap Gonzales, alias Kap Lacorte, alias Kap August, alias Ruben Sabedra, alias Lorenz, alias Neneng Dista, alias Vilma Tomboy, alias Liza, alias Linda, alias Hadjie at Aiza, alias Yema at limang iba pa, alias Kap Fernan, alias Meynard at alias Kapitana Wanita.

Bunga nito, marami ang nagtataka kung bakit walang aksyon ang liderato ng R4A police office laban kay Kap Biskotso.

Nagsisilbing hamon ngayon kay Gen. Cruz ang hulihin si Kap Biskotso at paimbestigahan ang mga kinasasangkutan nitong ilegalidad sa Batangas. (SAKSI NGAYON NEWS TEAM)

Read More

Kauna-unahang ginto ng Pilipinas sa Olympics makalipas ang 97 taon SALAMAT HIDILYN!

0

(SAKSI NGAYON NEWS TEAM)

BUMUHOS ang pagbati at pasasalamat kay Hidilyn Diaz matapos nitong masungkit ang kauna-unahang Olympic gold medal at wakasan ang 97 taon ng pag-asam dito ng Pilipinas.

Luha ng kasiyahan

Inilarawan nina Senador Sonny Angara at Grace Poe bilang makasaysayang pagluha ng kasiyahan ang pagkapanalo ni Hidilyn sa kabila ng mahinang suporta ng pamahalaan.

Sa magkakahiwalay na pahayag, kapwa nagpasalamat sina Angara at Poe kay Diaz sa pagbibigay ng karangalan sa Pilipinas.

Ayon kay Angara, pawang makasaysayan ang pagkapanalo ni Diaz dahil bukod sa kauna-unahang gintong medalya, nalampasan din niya ang sariling record sa pagkapanalo ng silver sa Rio De Janeiro, Brazil noong 2016.

“Mabuhay siya! Nilampasan pa niya ang achievement niyang silver sa Rio. Nakaukit ang pangalan niya sa kasaysayan ng Pilipinas dahil sa kauna unahang gold medal ๐Ÿฅ‡ ng bansa. Congrats sa kanya, sa coaches niya, mga taga Zamboanga, at sa buong bansa na binigyan niya ng rason [mag-celebrate] at matuwa at magkaisa!” dagdag ni Angara.

Para naman kay Poe, nagpasalamat ang senadora kay Diaz sa paghahatid ng karangalan sa bansa sa unang pagkakataon na magwagi sa weightlifting event sa Tokyo 2020 Olympics.

“Sa unang pagkakataon sa mahabang panahon, we shed tears of joy. Salamat, Hidilyn, sa makasaysayang tagumpay at karangalang ibinigay mo sa bansa at sa bawat Pilipino,” ayon kay Poe.

Kaugnay nito, bilang pangunahing awtor at isponsor ng Republic Act 10699 or the National Athletes and Coaches Benefits and Incentives Act na nilagdaan ni dating Pangulong Aquino noong 2015, sinabi ni Angara na makatatanggap si Diaz at kanyang coaches ng cash rewards.

Pararangalan

Nagkaisa naman sina Senador Manuel “Lito” Lapid at Senador Risa Hontiveros na bigyan ng pagkilala ng Senado si Diaz dahil tinugon nito ang matagal nang inaasam ng Pilipinas na magkaroon ng gintong medalya sa Olympics.

Sa inihaing PSR No. 800 ni Lapid, natapos na ang ilang dekadang pagkagutom ng Pilipinas sa Olympic gold medal at tanging si Diaz ang nagbigay ng sagot.

Sa Senate Resolution No. 798 naman ni Hontiveros, chairman ng Senate Committee on Women, Children, Family Relations and Gender Equality, karapat-dapat lamang na parangalan si Diaz na bukod sa kakaibang galing nito ay itinaas din nito ang pagiging babae.

Maging sa Kamara ay nagbunyi ang mga mambabatas at nagpaabot ng pasasalamat kay Hidilyn.

“You made history and we are super proud of you! Muchisimas gracias for your hard work in bringing home our FIRST-EVER OLYMPIC GOLD MEDAL,” ayon kayย  Zamboanga City Rep. Mannix Dalipe na naghain din ng resolusyon para bigyang parangal ang kababayan.

“Salamat Hidilyn, binuhat mo sa iyong balikat ang buong sambayanan Pilipino! Isa kang maituturing na bayani sa larangan ng isports. Mabuhay ang mga kababaihan!,” ayon naman kay Deputy Speaker Bernadette Herrera.

Maging ang kinatawan ng kababaihan sa Kamara na si Gabriela party-list Rep. Arlene Brosas ay walang hanggan ang pasasalamat kay Diaz dahil sa gitna ng kalungkutan at pagkadismaya ng sambayanang Filipino sa gobyerno ay binigyan nito ng pag-asa at pinangiti ang kanyang mga kababayan.

“She has made Filipino women and the people extremely proud, lifting our spirits high on the same day the chief executive let us all down with his winding empty speech,” ani Brosas na ang tinutukoy ay ang huling State of the Nation Address (SONA) ni Pangulong Rodrigo Duterte.

“Our heartfelt congratulations to Filipino weightlifter Hidilyn Diaz for her historic gold medal win in the 2020 Tokyo Summer Olympics. Thank you for claiming the country’s first Olympic gold medal. You have made us all proud!,” ayon naman kay Speaker Lord Allan Velasco.

Commissioned officer

Samantala, iminungkahi ni Senador Panfilo Lacson sa liderato ng Philippine Air Force (PAF), na gawing commissioned officer si Hidilyn kung papayagan ng batas at regulasyon ng AFP.

“As chairman of the Senate Committee on National Defense and Security, I would strongly recommend to the AFP leadership that she be given a rank as a commissioned officer of the PAF. It’s the least the service can give her,” banggit ni Lacson sa panayam sa CNN Philippines.

“Such a commission โ€“ either as a reserve or regular officer โ€“ is not just in recognition of her extraordinary feat, but also in recognition of her great potential to provide a good example to her fellow soldiers both as an athlete and as a leader,” banggit ng mambabatas.

Binati rin ng Malacaรฑang

Kaisa rin ang Palasyo ng Malakanyang sa pagbati kay Hidilyn sa natamong tagumpay sa olimpiyada.

Sinabi ni Presidential spokesperson Harry Roque na ang buong sambayanang Filipino ay proud kay Hidilyn.

“The Palace congratulates Hidilyn Diaz for bringing pride and glory to the Philippines for winning the country’s first-ever Olympic gold medal (weightlifting women’s 55kg). Congratulations, Hidilyn. The entire Filipino nation is proud of you. Laban, Pilipinas!” ayon kay Sec. Roque.

Ito ang kauna-unahang gold medal ng Pilipinas mula nang sumabak sa Olympics noong 1924.

Hidilyn Diaz, ‘immortal’

Para naman kay House Majority leader Martin Romualdez, magiging imortal na ang pangalan ni Hidilyn sa kasaysayan ng bansa partikular na sa mundo ng palakasan dahil sa unang gintong medalya ng Pilipinas sa Olympics.

“Hidilyn Diaz is now a national treasure. Her name will be immortalized as the first Filipino to win a gold medal in the Olympics.

Hidilyn’s victory showcased the spirit of the Filipino to persevere against all odds,” ani Romualdez.

Hero’s welcome

“We have a hero’s welcome waiting for her when she comes home,” pagtiyak naman ni Deputy Speaker Mikee Romero na kasama sa nangakong magbibigay ng P3 million sa bawat atleta na makapag-uuwi ng gintong medalya.

“Hidilyn’s Olympic gold is exactly the morale boost our country needs right now as we wage the war against COVID-19 and get our country back on the road to economic recovery,” ayon pa kay Romero.

Natupad na pangako

Sa kanyang panalo, natupad ni Hidilyn Diaz ang sinumpaang pangako na sisikapin at iaalay ang kanyang panalo sa lahat ng biktima ng bumagsak na PAF C-130 cargo plane kamakailan.

Agad naman nagpahatid ng pagbati ang Department of National Defense; Armed Forces of the Philippines at pamunuan ng Philippine Air Force kay Sergeant Hidilyn Diaz.

“Her success is a testament to the unwavering spirit of the Filipino to rise above all odds, ani DND Sec. Delfin Lorenzana.

“Her masterful performance in the Tokyo 2020 Olympics, where she also set an Olympic record in the 55kg division, brought pride and glory to the AFP and the country,” bahagi naman ng pagbati ani AFP chief of Staff Gen. Cirilito Sobejana.

Habang ang buong pwersa ng Philippine Air Force sa pangunguna ni PAF Commanding General, LTGen. Allen T Paredes ay nagpahayag ng “We wish her the best moving forward. Soar high, airwoman!”

Bukod kay Hidilyn, nangako rin ang kapwa Olympian na kasapi ng PAF na si Eumir Felix Marcial na iaalay nila ang kanilang panalo sa kanilang mga kasamahang nasawi sa C-130 crash.

Sa kanilang pahayag bago tumulak ng Japan, sinabi ng dalawa na, “We offer our best performance in our respective events to our countrymen and our fellow soldiers, especially those who suffered in the tragic C-130 plane crash.”

Noong 2019, isinama ng Malakanyang sa pamamagitan ng noon ay Presidential spokesman at ngayon ay Chief Presidential Legal Counsel Salvador Panelo si Hidilyn sa mga nais umanong pabagsakin ang administrasyong Duterte.

Nagulat at natawa na lang noon si Diaz at sinabing sobrang busy siya sa kanyang training at wala siyang panahon sa iba pang mga bagay. (BERNARD TAGUINOD/ESTONG REYES/NOEL ABUEL/CHRISTIAN DALE/JESSE KABEL)

Read More

SOLID NORTH TO BBM: “RUN FOR PRESIDENT”

0

SUMIDHI ang pagkakaisa ng mga mambabatas mula sa mga lalawigan sa North Luzon na himukin si dating Sen. Ferdinand ‘Bongbong’ Marcos, Jr. na tumakbo sa pampanguluhan sa susunod na eleksyon.

Ito ay dahil sa nakikitang malaking tsansang manalo si Bongbong o BBM sa 2022 election.

Kung pagbabasehan ang latest survey na inilabas ng Publicos Asia, Inc., si Marcos na mas gustong tawagin na lamang siyang Citizen Bongbong, ay nakapuntos ng 17.8 percent rating at pumangalawa kay presidential daughter Sara Duterte-Carpio na umiskor ng 20.8 percent.

Kapansin-pansin din sa mga nakalipas na survey na laging nakadikit ang puntos ni Marcos kay Duterte-Carpio. Ito ay sa kabila na hindi nakapwesto ngayon sa gobyerno si Marcos.

Ang mga political leader na karamihan ay alkalde, kongresista at gobernador na bumubuo sa tinaguriang Solid North dahil sa kakayahang magdikta ng block votes ay nananatiling buo ang suporta kay Marcos.

Nitong nakalipas na Linggo, nakipagkita kay Marcos ang Solid North leaders sa pangunguna nina Isabela Gov. Rodito Albano at League of Municipalities president at Narvacan town Mayor Chavit Singson, kasama ang nasa halos 30 mambabatas mula sa upper regions ng Luzon.

Sa nasabing pulong na tinawag ni Senador Imee Marcos bilang pre-SONA merienda at ginanap sa Marcos old house sa San Juan City ay hinimok ni Singson at iba pang solid North leaders na tumakbo si Bongbong sa pagka-presidente sa halalan sa susunod na taon.

Maging si Marinduque governor and League of Provinces president Presbitero Velasco, na dumalo rin sa pagpupulong ay nakikiisa sa pagkumbinsi kay BBM na lumahok sa presidential race and “reach for his dream.”

Gayunman, wala pa ring desisyon si BBM dahil abala ito sa pagtulong sa mga labis na apektado ng kasalukuyang pandemya dulot ng COVID-19.

Kabilang sa mga naabutan na ng tulong ng dating senador ang mga government frontliner at iba pang mga nangunguna sa laban upang masugpo ang nakamamatay na corona virus.

Sa nasabing pre-SONA merienda sa Marcos old house ay pinag-usapan ng northern alliance ang paparating na halalan at ang mga resulta ng survey na pawang nagpapakita ng magandang numero para kay BBM.

“It was at that point that Manong Chavit stood up and enjoined the group to remain united and committed should Bongbong file his candidacy for president this coming October,” ayon sa isa sa mga mambabatas na dumalo sa pagtitipon.

Dagdag pa niya: “Our encouragement for BBM to join the presidential race is anchored on our voting culture as a solid alliance that by default, we always stick to our own candidate in the national elective position.”

Read More

Kinastigo ng solons PDU30 WALANG COVID-19 EXIT PLAN

0

KINASTIGO ng mga mambabatas sa mababang kapulungan ng Kongreso si Pangulong Rodrigo Duterte dahil hindi ito naglatag ng plano kung papaano makakawala ang bansa sa pandemya sa COVID-19.

Sa magkakahiwalay na pahayag, pawang dismayado ang ilang kongresista dahil bagama’t pinasalamatan nito ang mga medical at iba pang frontline workers sa pandemya ay hindi nito sinabi kung ano ang plano ng kanyang gobyerno para makawala ang bansa sa pandemya.

“The Filipinos are constantly waiting for an overall blueprint on our survival against this pandemic, considering the Delta variant and possible other variants to arise,”ani Deputy Speaker Rufus Rodriguez.

Masyado na aniyang nilugmok ng COVID-19 ang mamamayang Filipino kaya kailangan ang malinaw na tugon ng pamahalaan sa problemang ito subalit binigo sila ng pangulo.

Maging si Gabriela party-list Rep. Arlene Brosas ay dismayado dahil marami umanong sinabi si Duterte tungkol sa droga, komunismo at imprastraktura subalit walang plano kung papaano makaaalpas ang mga Filipino sa pandemya.

“Kahit ang tugon sa Covid para maampat ito ay wala din. Nag-ulat lang siya ng ilang nagawa, pero alam nating lalong lumalala ang pagdami ng Covid sa nakalipas na 2 linggo. Palaging lockdown lang ang sagot. Kapos ang testing at salat na salat ang bakuna,” ayon kay Bayan Muna party-list Rep. Eufemia Cullamat.

Sinabi naman ni ACT party-list Rep. France Castro na talagang walang plano ang gobyerno ni Duterte na makamit agad ang herd immunity.

“Walang plano para sa mas malawak na pagbabakuna, walang tungkol sa plano sa pandemya, walang plano para sa ligtas na balik eskwela, walang plano para sa pagsugpo ng krisis sa ekonomiya. Walang kwenta para sa mamamayan ang huling SONA ni Duterte,” dagdag pa ng mambabatas. (BERNARD TAGUINOD)

Read More

House probe ikinasa 9 NARCO GENERALS MALAYA PA RIN

0

NAGKASA na ng imbestigasyon ang House committee on dangerous drugs laban sa siyam na heneral ng Philippine National Police (PNP) na sangkot umano sa ilegal na droga.

Ayon sa chairman ng nasabing komite na si Surigao del Norte Rep. Robert Ace Barbers, partikular na aalamin ng komite kung bakit nakalalaya pa rin ang mga ito.

Ginawa ng mambabatas ang pahayag kasunod ng pagkadismaya ni Pangulong Rodrigo Duterte sa kanyang State of the Nation Address (SONA) noong Lunes hinggil sa siyam na police generals aniya na sangkot sa ilegal na droga.

“I think it’s plausible to have this issue investigated by Congress since, from what I’ve heard, none of them had been investigated nor were charged in court,” ayon sa mambabatas.

Hindi nagbanggit si Duterte ng pangalan sa kanyang SONA noong Lunes, subalit noong Hulyo 2016, 5 PNP generals ang isinangkot nito sa ilegal na droga na kinabibilangan nina Bernardo Dia, Joel Pagdilao, Edgardo Tinio na noo’y mga aktibo sa serbisyo at sina retired Gen. Vicente Loot at Marcelo Garbo.

Pawang itinanggi ng mga nabanggit na dating opisyales ng PNP ang alegasyon ng pangulo.

Walang impormasyon kung sino ang apat pang PNP generals na nakalalaya pa at suspetsa ni Duterte ay dahil ito sa dating posisyon ng mga ito sa pambansang pulisya.

Dahil dito, nais umanong alamin sa imbestigasyon ng komite kung anong naging aksyon ng PNP sa kanilang mga dating opisyal mula nang pangalanan ang mga ito ni Duterte noong 2016.

Samantala, muling umapela ang mambabatas sa Senado na isama ang panukalang mag-aamyenda sa Republic Act 9165 o Dangerous Drugs Act of 1992 upang mas mapalakas ang kampanya laban sa ilegal na droga.

“The bill aims to provide legal tool to equip law enforcers to go after big time drugs lords, including coddlers, protectors and financiers in illegal drug transactions,” ani Barbers ukol sa nasabing panukala na pinagtibay na sa ikatlo at huling pagbasa sa Kamara subalit hindi makausad dahil hindi ipinapasa ng Senado ang hiwalay nilang bersyon. (BERNARD TAGUINOD)

Read More

Palasyo pumiyok ATLETANG PINOY KULANG SA SUPORTA

0

INAMIN ng Malakanyang na hindi nakatatanggap ng sapat na financial support ang mga atleta ng national team.

Inamin ni Presidential spokesperson Harry Roque ang bagay na ito matapos manalo si Hidilyn Diaz ng kauna-unahang Olympic gold medal sa weightlifting 55 kilogram division sa Tokyo, Japan.

“Kulang po talaga, parang minimum wage nga lang po ang allowance ng ating mga atleta. Titignan natin kung paano mababago ito,” ayon kay Sec. Roque.

“Titignan natin paano maitataas ang nakukuha nilang allowance at iba pang benepisyo as members of national team. Kung napakaliit at kulang ay nanalo pa rin, mas marami nang mananalo ng ginto kung maibibigay natin ang sapat na benepisyo,” dagdag na pahayag nito.

Matatandaang noong June 2019, humingi ng financial assistance si Hidilyn mula sa private sector para sa kanyang Olympic gold medal bid.

Sinabi ni Hidilyn na ang paghingi ng tulong pinansyal sa labas ng pamahalaan ay nakahihiya subalit kailangan niyang gawin para sa kanyang layunin na masungkit ang Olympic gold medal.

Samantala, tiniyak naman ni Sec. Roque sa publiko na makukuha ni Hidilyn ang mga bagay na nararapat sa kanya gaya ng P33 million reward na na-secure nito matapos manalo ng first Olympic gold medal simula nang sumali ang bansa sa olimpiyada noong 1924.

“Kung anoman ang kakulangan sa training, I am sure mababawi sa generosity ng pamahalaan at ng private sector because she truly deserves it and made us proud,” ayon kay Sec. Roque.

“Ang tagumpay ni Hidilyn ay tagumpay ng lahat ng Pilipino,” dagdag na pahayag nito. (CHRISTIAN DALE)

Read More

Hindi inendorso kaya ‘di dapat kiligin SOTTO KINILITI LANG NI PDU30

0

NILINAW ng Malakanyang na hindi pag-endorso kay Senate President Vicente Sotto III ang sinabi ni Pangulong Rodrigo Roa Duterte rito na maaaring maging “good vice president” ang senador.

Sinabi ni Presidential spokesperson Harry Roque na hindi rin ito nangangahulugan na umatras na ang chief executive sa posibleng pagtakbo bilang bise-presidente sa 2022 elections.

“Hindi naman po, I think kinikiliti lang niya si Senate President kasi naririyan siya at they had of course an occasion to meet dahil siya yung sumalubong sa Kongreso,” ani Sec. Roque.

“Kumbaga, he’s just encouraging Senate President to pursue his political plans dahil sa demokrasya naman, importante na merong pagpipilian ang taumbayan,” dagdag na pahayag nito.

Samantala,kinumpirma ni Sotto ang pagtakbo nila ni Senator Ping Lacson sa 2022 elections. Si Lacson ay tatakbong presidente at si Sotto naman ang kanyang magiging running mate. (CHRISTIAN DALE)

Read More

SOT BILL, ‘BUHAY’ PA

0

TINIYAK ng Malakanyang sa publiko na ang Security of Tenure bill, na naglilimita sa contractualization ng mga manggagawa ay hindi pa tuluyang namamatay kahit hindi ito nabanggit ni Pangulong Rodrigo Roa Duterte sa kanyang pang-anim at huling State of the Nation Address (SONA).

Ang pangulo, na nangakong tatapusin ang contractualization nang mangampanya ito noong 2016, ay vineto ang bill laban sa contractualization,” o “anti-endo bill,” noong Hulyo 2019 sa kabila na sinertipikahan ito bilang urgent.

“The President promised passage the anti-endo bill [into law], and he vetoed it because there were objectionable provisions on the version passed by Congress,” ayon kay Presidential spokesperson Harry Roque.

“We promise that we will continue to work with Congress for a compromise that is acceptable to all stakeholders,” dagdag na pahayag nito. (CHRISTIAN DALE)

Read More

PAGBIBIGAY NG HIWALAY NA INSENTIBO KAY HIDILYN, IKINUKONSIDERA NG SENADO

0

PINAG-AARALAN na ng Senado ang pagbibigay ng hiwalay na insentibo kay Olympic Gold Medalist Hidilyn Diaz.

Sinabi ni Senate President Vicente ‘Tito’ Sotto III na pinag-aaralan na ng kanilang tanggapan kung magkano ang maaaring ibigay kay Diaz.

Kasabay nito, ipinasa ng Senado ang mga Resolutions na nagbibigay pagkilala kay Air Force Sergeant Hidilyn Diaz dahil sa pagsungkit ng unang gold medal para sa bansa sa Olympics.
Kasama sa inadopt ng Senado ang Senate Resolution Nos. 793, 794, 795, 796, 797, 798, 799, 800, 801, 802, 803, 804 at 805 na inihain nina Sotto at Senators Juan Miguel Zubiri, Bong Go, Bong Revilla, Risa Hontiveros, Franklin Drilon, Lito Lapid, Nancy Binay, Richard Gordon, Imee Marcos, Joel Villanueva, Manny Pacquiao at Pia Cayetano.

Sa kanyang sponsorship speech, kinilala ni Sotto ang dedikasyon, sakripisyo at self-discipline ni Hidilyn upang makamit ang kanyang Olympic goal kung saan nagsanay pa ito at nag-exile sa Malaysia simula nooong February 2020.

“Hidilyn’s win is being celebrated not only it is historic, as the first-ever gold Olympic medal in almost a century, but also because of the fact that it happened in the middle of a pandemic when every move is a struggle and a health-risk, and when we all needed a ray of light,” dagdag ni Sotto.

Sinabi naman ni Recto na ang tagumpay ni Hidilyn ay dumating sa panahon na kapos na ang pagasa para sa mga Pilipino.

“With one lift, she raised the spirits of 110 million people, battered by the pandemic but not beaten, craving for one inspiring story that will break the gloomy monotony of long days looking for jobs and jabs and endless quarantine nights,” saad ni Recto.

Inihayag naman ni Zubiri na hindi na mabubura ang record na itinatak ni Hidilyn.

“She is now in the Chronicles of Philippine History as the First ever Olympic Gold Medalist!!” giit ni Zubiri.

Iginiit naman ni Gordon ang pag-apruba sa resolution na humihiling sa National Historical Commission of the Philippines na maglabas ng commemorative stamps at marker para kay Hidilyn. (DANG SAMSON-GARCIA)

Read More