8 DRUGSTORE EMPLOYEES NAOSPITAL SA GAS LEAK

MAKARAAN ang anim na oras sa Manila Doctors Hospital, pinalabas ang walong empleyado ng Mercury drug, matapos makaramdam ng pagkahilo at paninikip ng paghinga dahil sa nalanghap na masangsang na amoy mula sa nag-leak na gas sa generator na binuksan nang mag-brown-out noong linggo ng tanghali sa Zamora St., Pandacan, Manila.

Napag-alaman sa imbestigasyon ng Manila Police District-Police Station 10, kinilala ang mga empleyado na sina Ricky Pelayo, Juvy Muldong, Yna Angela Jose, Gielen Salvador, Anna Marie Pinel, Charlene Mae Ednante, Arlene

Tanglao at Mar Rose Dongato, pawang empleyado ng Mercury Drug sa nasabing sangay.

Sa pagsisiyasat ng pulisya, nngyari ang insidente bandang12 :00 ng tanghali sa ikalawang palapag ng Mercury Drug habang nanananghalian ang mga empleyado makaraang mag-brown out.

Kaagad naman nai-switch ang electric generator pero makalipas ang ilang minuto ay nagsimula nang mahilo at nahirapang huminga ang walong biktima kaya mabilis silang isinugod sa pagamutan.

Hindi naman nagbigay ng detalye ang assistant manager ng naturang Mercury branch, na kinilala sa pangalang Arlene hinggil sa insidente.

Dakong 6:00 ng gabi nang i-discharge sa pagamutan ang mga empleyado matapos na bigyan ng lunas. (RENE CRISOSTOMO)

Read More

KC MONTERO, HIGIT 100 IBA PA INARESTO SA MAKATI BAR

IPINAGHARAP ng reklamo ang ang mahigit 100 katao na nahuli sa Skye Bar sa 18th Floor, M1 Tower, 141 H.V. Dela Costa St., Brgy. Salcedo Village, Makati City dakong alas-5:35 ng hapon noong Linggo.

Kabilang sa kinasuhan ang actor-TV host na si KC Montero o Casey Miller sa totoong buhay, at ang isa sa mga may-ari ng bar na isang Felix Maramba.

Sina Miller, Maramba at mahigit 100 na iba pang local at foreign national ay dinakip sa bar sa Makati dahil sa hindi pagsunod sa social distancing kaugnay sa pandemic COVID-19.

Nauna rito, nakatanggap ng impormasyon ang Makati City Police na isang bar at mga parukyano nito ang lumalabag sa ipinatutupad na social distancing habang kumakain at nag-iinuman ng alak.

Nakumpirma nina PMaj. Gideon Ines, ACOPO at pinagsanib na pwersa ng INTEL, SOPS at TMRU, na may katotohanan ang sumbong hinggil sa paglabag sa health protocol kaya tuluyang hinuli ang grupo.

Nahaharap ang mga dinakip sa RA 11332 o Mandatory Reporting of Notifiable Diseases and Health Events of Public Health Concern Act. (DAVE MEDINA)

Read More

Masamang imahe ng NAIA burahin na – solon AIRPORT SA PINOY HINDI KAY NINOY

IPINAGTANGGOL ng isa sa mga mambabatas ang kanilang panukalang palitan ang pangalan ng Ninoy Aquino International Airport (NAIA) dahil kailangang pangalan ng sambayanang Filipino ang makilala sa main gateway ng Pilipinas bukod pa sa dapat nang mabura ang masamang imahe nito.

Ayon kay ACT-CIS party-list Rep. Eric Yap, bagama’t hindi umano nila isinasantabi ang kontribusyon ni dating Senator Benigno “Ninoy” Aquino III sa bansa, ang Sambayanang Filipino aniya dapat ang makilala sa buong mundo at hindi ang pangalan ng dating senador lamang.

“We just deem it more appropriate for our international airport to bear the name of the country. Instead of it reflecting just one hero, we want it to reflect our everyday heroes – the Filipino people,” ani Yap.

Ginawa ni Yap ang pahayag dahil sa patuloy na batikos sa kanilang House (HB) 7031 na layong palitan ang Ninoy Aquino International Airport ng “Paliparang Pandaigdig ng Pilipinas” o PPP.

Kasama ni Yap sina presidential son at Davao City Rep. Paolo Duterte at Marinduque Rep. Lord Allan Velasco sa main-author ng nasabing panukala na amyendahan ang Republic Act (RA) 6639 na nagpangalan sa dating Manila International Airport (MIA) kay Aquino.

“NAIA is the international gateway of the Philippines being the biggest and largest international airport in the country. As such, there is a need to identify the same belonging to the Philippines,” ayon sa paliwanag ng tatlong mambabatas sa kanilang panukalang batas.

“Gusto natin na paglapag pa lang ng eroplano dito, pangalan na agad ng bansa natin ang bubungad sa ating mga balikbayan pati sa mga turista mula sa ibang bansa. Ating iparamdam sa kanila na sila ay nakauwi na sa kanilang tahanan,” ani Yap.

Hindi nababanggit ang pangalan ng Pilipinas kapag lumalapag ang mga eroplano mula sa ibang bansa kundi ang pangalan ni Ninoy kaya dapat na aniyang baguhin ito para makilala nang husto ang Pilipinas.

Bukod dito, dapat mabura ang masamang imahe ng airport na tinukoy noon bilang isa sa “worst airport” sa mundo at nakabangon lamang noong 2018 nang maisama sa 10th most improved airport base sa British based consultancy Skytrax 2018 survey.

“Along with this recognition, it is high time to rename NAIA so we could finally let go of its negative image. With this name change, we are presenting a positive and objective image to our international airport,” ayon kay Yap.

AYAW MAKIALAM

Samantala, dumistansya ang Malakanyang at ipinaubaya na sa Kongreso ang hirit ng ilang mambabatas na baguhin o palitan ang pangalan ng NAIA.

Umulan kasi ng pagtutol sa bagay na ito dahil hindi umano napapanahon lalo pa’t dumaranas ang bansa ng pandemya kung saan maraming nagsarang establisimyento at nawalan ng trabaho.

Bukod pa sa bagsak ang ekonomiya at walang makapagsabi kung aabutin ng ilang taon bago makabangon.

“Iniiwan na po namin yan sa Kongreso. Kailangan po ng batas para diyan,” ani Presidential spokesperson Harry Roque.

Kabilang sa mga tutol sa panukala ang ilang obispo sa bansa lalo na’t ito ay itinaon sa panahon na ang bansa ay nahaharap sa public health crisis dahil sa COVID-19.

Naniniwala kasi ang mga ito na mas marami pang mahalagang isyu na dapat tugunan ngayon ang gobyerno.

Ayon kay Apostolic Administrator of the Archdiocese of Manila Bishop Broderick Pabillo, hindi dapat magpa-distract ang pamahalaan sa ibang usapin at tutukan ang mga tao na walang trabaho, nagugutom at may sakit, na sinegundahan naman ni Cubao Bishop Honesto Ongtioco. (BERNARD TAGUINOD/CHRISTIAN DALE)

Read More

DYIPNI IBALIK SA LANSANGAN PERO….!

Kaisa tayo sa panawagan na ibalik na sa lansangan ang mga traditional na pampasaherong jeep lalo na sa Metro Manila dahil hindi pa sapat ang transport system natin para maisakay ang lahat ng mga commuters.

Napakahalaga ng papel ng mga jeep sa ekonomiya ng bansa at hindi pa sapat ang bilang ng mga modernong Public Utility Vehicles (PUVs) dahil 300 unit pa lamang ang namamasada na malayong malayo sa 75,000 unit ng traditional jeep na namamasada para tugunan ang pangangailangan ng mga commuters.

Pero, kapag pinayagan nang bumalik sa lansangan ang mga traditional jeep, dapat naman sumunod sila sa batas at alisin sa isip ng mga jeepney drivers na sila ang “hari ng lansangan”.

Unang ginamit ang dyipni o dyip pagkatapos ng World War 2, mula sa Miltary jeep na naiwan ng tropa ng Amerika sa Pilipinas at mula noon ay naging traditional na pampasaherong sasakyan na ito sa bansa.

Nakilala ang dyipni bilang “hari ng kalsada” dahil sila ang tanging maayos na transportasyon sa ating bansa pagkatapos ng WW2 pero tila iba ang pagkakaunawa ng karamihan sa mga jeepney driver.

Hindi naman lahat pero maraming sigang dyipni driver sa lansangan, hindi lamang sa Metro Manila kundi sa mga probinsya dahil marahil iniisip nila na sila ay hari ng kaldasa, kaya maraming disgrasya ang nangyayari.

Isa sa mga siga ay yung tinatawag nilang “patok” na kung magpatakbo ay akala mo ay sa kanila ang kalsada dahil ang bibilis at walang pakialam sa mga kapwa motorista na malimit nagiging dahilan ng disgrasya.

Kapag nakadisgrasya, sasabihin nila na nawalan sila ng brake pero ang totoo, ang yayabang nilang magpatakbo at karaniwan sa kanila, tumatakas kapag nadisgrasya o nakadisgrasya.

Bago nagkaroon ng lockdown, nagkaroon ng disgrasya sa Makati City nang araruhin ng isang jeepney driver ang mga estudyanteng tumatawid sa tamang tawiran na ikinamatay ng isang bata.

Ano ang punto ko dito? Simple, kapag pinabalik na sa lan­sangan ang mga dyip, dapat bantayan ng mga transport organization ang kanilang mga miyembro at paalalahanan ang mga ito na igalang ang batas at mga tao sa mga lansangan.

Marami sa mga dyipni drivers ang walang pakiaalam sa batas trapiko at nagsasakay sa mga lugar na hindi dapat magsakay. Mayroon pa na kung kailan naka-go signal na ay saka hihinto sa kanto para maghintay ng pasahero at sila pa ang matapang.

Hindi rin nila iginagalang ang pedestrian lane at kapag nakadisgrasya ay kakamutan ka lang ng ulo dahil wala raw silang pambayad pero kapag sila ang nasagi mo, kuyog sila at pipigain ka para bayaran mo sila kahit gasgas lang ang inabot ng sasakyan nila.

Tulad ng sabi ko, mahalaga ang papel ng mga dyipni driver kaya dapat lang na pabalikin na sila sa pamamasada pero kailangang ayusin naman nila ang kanilang biyahe at maging ang kanilang mga unit dahil marami sa kanila ang bumibiyahe kahit bulok.

Kailangan din sigurong lansagin ng Land Transport Office (LTO) ang mga corrupt sa kanilang hanay na nagrerehistro ng mga pampasaherong jeep na bulok na ay mausok pa.

Parang wala pa kasi nakikitang nagpa-emission test na pampasaherong dyip pero magtataka ka nagkaroon ng rehistro kaya malamang may corrupt sa LTO ang nakikinabang sa kanila.

Read More

SEC DAR IPAGTATANGGOL SA P271-M SOBRANG PRESYONG PATABA

UMANGKAT ang Department of Health (DOH) ng personnel protective equipment (PPE) mula sa People’s Republic of China na ang inilabas na impormasyon sa media ay P1,800 bawat isa ang halaga.

Tapos, isiniwalat ni Senador Panfilo Lacson na P400 lang ang halaga ng parehong itsura ng PPE sa merkado ng Pilipinas na higit pang matibay kaysa PPE na “Made in China”.

Dito na pumutok ang balitang “overpriced” ang PPE ng DOH.

Sumunod ang balitang ­sobrang taas din ng presyo ng iba pang medical supplies na binili ng DOH.

Ang isyung ito ang ibinato at patuloy na ibinabato kay Health Secretary Francisco Duque III na diumano’y mga anomalya o ­korapsyon sa DOH.

Nakakadismaya ito nang todo dahil naganap ang napakataas na presyo ng PPE habang kumikilos ang administrasyong Duterte laban sa paglaganap at pagtaas ng bilang ng mga Filipino na nagkakaroon ng coronavirus disease 2019 (COVID-19).

Ang overpriced PPE at iba pang isyung korapsyon at kapalpakan ng pamumuno ni Duque sa DOH ang mga ginamit na batayan upang manawagan ang ilang sektor kay Pangulong Rodrigo Duterte na tanggalin na siya sa DOH.

Kaso, tulad ng alam na ng 110 milyong Filipino, sinalo at todo-todong ipinagtanggol ni Duterte si Duque.

Sabi ni Duterte, siya mismo ang nag-utos kay Duque na bilisan ang pagkuha ng mga PPE kahit mahal ang presyo nito.

Ngunit, kahit na nanindigan at ipinagtanggol ng pangulo si Duque, hindi tumitigil ang panawagang tanggalin na ang taong ito sa DOH o kaya ay magbitiw na lang siya sa puwesto.

Kitang-kitang napakalayo na ng paninindigan at pahayag ni Duterte laban sa korapsyon mula noong bagong upong Pangulo pa lang ito ng bansa.

Natatandaan ko at palagay ko natatandaan n’yo rin na kahit “whiff of corruption” lang ang makarating na impormasyon sa kanya ay pihadong tanggal na sa puwesto ang opisyal na napabalitang sangkot sa katiwalian at korapsyon.

Noon totoo ito dahil mayroong ilang opisyal ng pamahalaan ang inalis ni Duterte sa puwesto kahit konting ‘amoy isda’ lang ang naamoy niya o ‘maliit na usok’ pa lang ang nakita niya.

Ngunit, mayroon din namang opisyal na kahit saang ahensiya ilagay ay lumalabas ang napakabahong gawain na hindi sinibak ni Duterte.

Kayo na ang magsabi kung sinu-sino ang mga ito.

Lumilitaw ngayon na nagpatuloy ang ‘dokleng’ na pananaw ni Duterte sa korapsyon dahil kitang-kitang ayaw niyang gumawa ng mapagpasyang aksyon laban sa talamak na korapsyon sa DOH.

Malinaw na namimili si Duterte sa pagtanggal sa mga opisyal ng kanyang administrasyon na nadi­dikit ang mga pangalan sa katiwalian at korapsyon.

Kaya inaasahang ipagtatanggol din niya si Agriculture Secretary William Dar tungkol sa iskandalo sa P271.66 milyong presyo ng pataba.

Iimbestigahan ng dalawang kapulungan ng Kongreso ang ­reklamo ng mga magsasaka mula sa Gitnang Luzon hinggil sa P1.8 bilyong halaga ng 1,811,090 bags ng patabang urea.

Ayon sa mga magsasaka, dahil P1.8 bilyon ang presyo ng mga pataba, naging isang libo tuloy ang presyo ng patabang pumasa sa subastang inilunsad ng Department of Agriculture (DA).

Nang bumili sa merkado ang ­ilang pinuno ng mga magsasaka ay P800 lamang ang halaga ng isang sako ng patabang urea.

Kahit anong gawin nila ay wala raw silang nakitang isang libo ang presyo ng nasabing pataba.

Nang kuwentahin ng mga lider-magsasaka, P271.66 milyon ang sumobrang presyo sa mahigit 1.8 milyong sako ng patabang na­nalo sa pasubasta ng DA.

Tulad ng overpriced na presyo ng PPE, ang labis-labis na presyo ng pataba ay naganap din sa ­panahong napakalaki ng suliranin ng pamahalaan sa epekto ng COVID-19 sa ekonomiya ng bansa, sa badyet ng pamahalaan at sa trabaho ng mga manggagawa.

Kapag nanatili sa DA si Dar, hindi kalabisang sabihing hindi naghahangad ng tunay na pagbabago si Duterte sa pamahalaan hanggang matapos ang kanyang termino sa 2022.

At ang masama ay kung ipagtatanggol pa ni Duterte si Dar tulad nang ginawa niya kay Duque.

Kawawa ang mga health workers, ngunit balewala kay Duterte na malayang kumikilos at nagpapayaman nang husto ang mga korap sa DOH.

Hindi na nakabawi at gumanda ang buhay ng mga magsasaka mula Hunyo 2016, tapos bihirang-bihira na batikusin at magalit si Duterte sa mga taong gumagawa ng korapsyon gamit ang pangalan, interes at kapakanan ng mga magsasaka.

Sana, hindi ‘bata’ ni Gloria Macapagal – Arroyo si Dar o hindi kaibigan ni Duterte ang kapatid ni Dar para matanggal ito sa DA.

Read More

DOH PINAIIMBESTIGAHAN SA SENADO

doh

PINAIIMBESTIGAHAN ni Senador Leila De Lima sa Senado ang ulat na pagkabigo ng Department of Health (DOH) at iba pang ahensya ng pamahalaan na ipatupad ang contact tracing laban sa COVID-19.

Sa inihaing Senate Resolution no. 457 ni De Lima, nais nitong imbestigahan ang panibagong kabiguan ng DOH para masolusyunan ang pagkalat ng nasabing virus.

“The problem of contact tracing remains a persistent issue that needs to be addressed as it gravely affects the government’s ability to formulate an effective public health response to the pandemic,” sabi nito.

“An investigation is necessary to look into the failure of the DOH and other concerned agencies in effectively carrying out our tracing efforts and mandate these offices to expeditiously implement corrective actions noting their inability to flatten the curve and control the increase in positive COVID-19 cases nationwide,” giit pa ni De Lima.

Paliwanag pa nito na sinabi na ng World Health Organization (WHO) officials na mahalaga ang contact tracing para labanan ang pagkalat ng sakit kung saan inamin ng DOH na nangangailangan ito ng karagdagang 94,000 contact tracers.

“If unacted upon, the slow contact tracing can lead to more preventable infections and further delay not only our COVID-19 containment efforts, but also our economic recovery,” sabi nito.

Sa datos aniya ng Worldometer, ang Pilipinas ay may 35,455 kabuuang kaso ng COVID-19 infections at naitala na pang-15 sa pinakamataas na antas mula sa 49 bansa sa Asya. (NOEL ABUEL)

Read More

POGOs, HUWAG NANG PIGILANG UMALIS

HINDI na dapat pang habulin ng gobyerno ang Philippine Offshore Gaming Operators (POGO) na nais nang lumabas ng bansa dahil sa isyu sa pagbubuwis.

Ito ang binigyang-diin ni Senate Minority Leader Franklin Drilon kasabay ng pagsasabing malinaw ang mga batas para sa pagbubuwis.

Binigyang-diin nito na dapat magbayad ang mga POGO ng franchise at withholding taxes at dapat din nilang bayaran ang P50 bilyon nilang utang.

Hinikayat din nito ang Bureau of Internal Revenue na ipatupad ang closure order sa mga delingkwenteng kumpanya.

Samantala, hinimok ni Senador Risa Hontiveros ang PAGCOR na kanselahin na ang lahat ng lisensya ng mga POGO na hindi tumutugon sa batas.

Dapat anyang ipatupad ng PAGCOR ang regulatory powers nito at patawan ng parusa ang mga POGO na hindi nagbabayad ng obligasyon. (DANG SAMSON-GARCIA)

Read More

IMEE, DUDANG KAYANG SIMULAN ANG KLASE SA AUG. 24

DUDA si Senador Imee Marcos na kakayanin na ng Department of Education (DepEd) na simulan ang klase para sa school year 2020-2021 sa August 24.

Sa Zoom press conference sa Senate Media, sinabi ni Marcos na dapat maging tapat ang DepEd kung kailan nila kakayanin ang pagbubukas ng klase.

“We already told the DepEd, magkaisa kayo. Sabihin lang, magpakatotoo kayo, sabihin sa amin kung kailan ba talaga ‘yan. Kasi sa tingin natin two months to go, two months before the deadline, hindi pa talaga ready,” saad ni Marcos.

Nilinaw naman ni Marcos na nagsisikap ang DepEd upang plantsahin ang mga kailangang paghahanda para sa pagbubukas ng klase lalo na’t isinusulong ang distance learning.

Subalit sa nakita anya nilang mga kakulangan pa tulad ng koordinasyon sa Department of Information and Communications Technology para sa internet connection, at iba pang paghahanda gaya ng pag-iimprenta ng mga modules, tantiya ng senador ay malabo pang makapagsimula ang klase sa August 24.

Muli namang hinimok ng senador ang DepEd na i-activate ang mga local school boards para makapagdesisyon kung maaaring simulan ang face to face classes sa ibang lalawigan na wala namang kaso ng COVID 19 at wala ring maaasahang internet connection. (DANG SAMSON-GARCIA)

Read More

RALLY KONTRA ILOILO BROWNOUT HINARANG

BINARIKADAHAN kahapon ng Manila Police District (MPD) ang buong Padre Faura sa Maynila matapos makatanggap ng impormasyon ukol sa kilos protesta na isasagawa ng consumer group na Ilonggo Consumers Movement sa harap ng tanggapan ng Supreme Court (SC).

Ayon kay MPD Station 5 Commander Lt Col. Ariel Caramoan, may 55 pulis ang kanilang dineploy sa lugar para magbantay laban sa mga raliyesta. Aniya, mahigpit na ipinagbabawal sa Inter Agency Task Force (IATF) Omnibus Guidelines ang pagsasagawa ng anomang protesta kaya naman kung magpupumilit ang grupo ay kanilang aarestuhin at maaaring kasuhan ng paglabag sa Revised Penal Code dahil sa illegal assembly bukod pa sa paglabag sa IATF rules sa social distancing.

Ang nasabing grupo ay una nang nagpadala ng imbitasyon sa media para magkaroon ng coverage ang kanilang gagawing kilos protesta sa harap ng Korte Suprema bilang pagkondena umano sa nagaganap na brownout sa Iloilo City.

Sinabi ni Tuesday Calma, coordinator ng grupo na napilitan silang umatras sa planong protesta matapos makita ang maraming pulis bukod sa pinagbawalan umano sila na magdaraos ng pagkilos kaya naman isang press conference na lamang ang kanilang ipinatawag sa Max Restaurant sa Maria Orosa.

“Pinagbawalan kami ng guard ng SC na hindi raw pwedeng magprotesta at sabi ng mga pulis ay hindi rin pwede kaya umalis na lang kami,” paliwanag ni Calma na dumiretso sa press conference kung saan 4 lamang silang taga Ilonggo Consumer Movement na humarap sa media, namigay ng press releases at nagkaroon ng photo opportunity habang hawak ang placard na nagsasaaad na “No to More Power in Iloilo”.

Aminado naman ng mga kasapi ng grupo na bagamat kumakatawan sila sa Ilonggo Consumer Group ay hindi sila nakabase sa Iloilo at sa Maynila na sila nagtatrabaho at naninirahan kaya hindi ganoon kabihasa sa Ilonggo dialect.

Iniuugnay ang grupo sa Panay Electric Company (PECO) subalit nilinaw ni Calma na wala silang koneksyon dito at ang kanilang ginawang aksyon ay walang kinalaman sa magaganap na imbestigasyon ngayong araw ng Iloilo City

Council kaugnay sa argumento ng ilang konsehal na dapat imbestigahan ang nagaganap na brownout sa Iloilo City. Bagamat pinagbawalan, nagbanta ang grupo na may mga pagkilos pa silang gagawin sa mga susunod na araw.

Una nang sinabi ni Manila Mayor Isko Moreno na bawal ang anomang pagkilos sa Maynila sa panahon ng public health emergency.

“They are all welcome in Manila at any given time, ang pakisuyo ko lang wag lang nila gagawin ngayon, and we will implement what we have to do, and I hope this will be a fair warning. If protesters conduct gatherings and violate policies, then he (MPD Director General Rolando Miranda) will have to do his job to protect Manilenyos,” pahayag ni Moreno sa mga nagnanais na magprotesta sa Kamaynilaan.

Sinabi ni Miranda na malinaw ang direktiba ng lokal na pamahalaan na bawal ang anomang pagkilos kaya naman nakaalerto ang kapulisan sa mga raliyesta. Nakiusap din ito na kung ayaw nilang maaresto at makasuhan ay mainam na huwag nang subukan na magdaos ng protesta.

Ang power service sa Iloilo City ay hawak na ngayon ng bagong Distribution Utility na More Electric and Power Corp. (More Power) na inisyuhan ng legislative franchise ng Kongreso at Certificate of Public Convenience and Necessity.

Una nang sinabi ng Energy Regulatory Commmission (ERC) na ang pangangasiwa sa power supply sa Iloilo City ay wala na sa PECO matapos na rin bawiin ang operational permit nito at hindi i-renew ang kanilang prangkisa bunga na rin ng mga reklamo sa operasyon nito na idinulog sa Kongreso.

Read More