PDU30 PINAGPAPAHINGA NG DOKTOR

SA ikalawang pagkakataon, hindi muli sinipot ni Pangulong Rodrigo Duterte and nauna nyang iskedyul na pagtungo sa mga lugar na tinamaan ng lindol nitong Biyernes sa Davao del Sur.

Ito ay matapos ihayag ni Senator Christopher “Bong” Go na inabisuhan ang Pangulo ng kanyang doktor na magpahinga muna.

Ayon sa senador, ito ang dahilan kung kaya’t hindi nakadalo ang pangulo sa dalawang public engagement nitong Huwebes (January 2) at Biyernes (January 3). Sinabi ni Go sa mga mamamahayag na nakaranas ang Pangulo ng pananakit ng tiyan dahil sa kinain nito.

Tiniyak naman ng senador na walang dapat ikabahala ang publiko sa lagay ng kalusugan ng Pangulo.

Naglabas pa ito ng selfie kasama ang Pangulo.

Hiniling din ng senador ang panalangin para sa mabilis na paggaling ng pangulo.

Matatandaang si Davao City Vice Mayor Sebastian “Baste” Duterte ang naging representante ng pangulo sa pagbisita sa mga biktima ng lindol sa Malalag, Davao del Sur noong Biyernes.

Kasama ng nakababatang Duterte at Go si Department of Social Welfare and Development Under Secretary Luz Ilagan, ng iabot ang tseke na nagkakahalaga ng P5-milyong piso mula sa Office of the President kay Malalag Mayor Peter Paul Valtan.

Maliban sa cash assistance, ang presidential son din ang nanguna sa ceremonial rites upang iabot ang mga food packs para sa limang pamilya na biktima ng lindol.

Sa talumpati ni Go, humingi ito ng paumanhin dahil hindi nakadalo ang 74-anyos na Duterte at sinabing “not feeling well” ang Pangulo simula noong Huwebes at inabisuhan ng kanyang doktor na magpahinga muna.Ngunit nilinaw naman ni Go sa harapan ng 1,500 indibidwal na dumalo sa programa na maayos ang kondisyon ng katawan ng Punong Ehekutibo.

Dagdag ni Go na nakatakdang aalis ang Pangulo patungong Maynila, Biyernes ng gabi upang dumalo sa turn-over ceremonies para sa bagong Chief of Staff ng Armed Forces of the Philippines ngayong araw (Sabado), Enero 4.

Umabot din sa tatlong oras na naghintay ang mga biktima ng lindol sa dalawang bayan matapos unang makansela ang pagtungo ng pangulo noong Huwebes, Enero 2.

Sa bayan ng Padada, tinanggap din ni Mayor Pedro Caminero ang tseke na nagkakahalaga ng P5-milyon sa loob ng Padada Central Elementary School.

Ayon na sa bakwit na si Felisa, 52, matyaga siyang nag-antay sa Pangulo simula ala 1:00 ng hapon ngunit di niya ito nasilayan.

Ganoon pa man, masaya na rin ito na nakita si Sebastian nang personal na ayon sa kanya ay sa telebisyon lang madalas nakikita.

Ang nasabing aktibidad ang siyang unang schedule ng Pangulo nitong taong 2020. (DONDON DINOY)

Read More

MATAPOS ANG ‘NO SHOW’; DU30 TULOY SA DAVAO DEL SUR

duterte12

(NI DONDON DINOY)

MALALAG, Davao del Sur- Matutuloy na ngayong araw ng Biyernes, ang pagbisita ni Pangulong Rodrigo Duterte dito sa naturang bayan at kalapit na bayan ng Padada, Davao del Sur.

Kinansela ni Duterte ang itinakdang pagbisita kahapon, Huwebes, Enero 2, dahil ayon sa tagapagsalita nito ay masama ang pakiramdam ng Pangulo.

Unang sinabi ni Secretary Salvador Panelo sa mga mamamahayag sa Maynila na “not feeling well” si Duterte at “ordinary” lamang ito sa isang 74-anyos.

“Masama lang siguro pakiramdam eh ordinary lang yon… Ano lang iyon, ordinaryong masamang pakiramdam ng isang 74 years old,” ayon kay Panelo.

Hindi ito ang unang beses na kinansela ni Duterte ang kanyang public engagements dahil sa health issues.

Inamin din noon ng Pangulo na nakararanas siya ng muscle spasms matapos maaksidente sa motorsiklo noong nakaraang taon.

Una rin nitong inamin na mayroon siyang myasthenia gravis, isang  chronic autoimmune neuromuscular disease at Buerger’s disease, dahil sa paninigarilyo noong kabataan nito.

Ngunit, ayon sa Media Relations Office (MARO), matutuloy na ngayong araw ang pagbisita ng Pangulo sa dalawang bayan sa Davao del Sur na unang schedule nito sa taong 2020.

Nakatakdang mamigay ang Pangulo ng P5-milyong financial assistance para sa 1,500 indibidwal na biktima ng lindol sa bayan ng Malalag.

Pupunta rin si Duterte sa bayan ng Padada, upang bisitahin ang nasa 1,000 biktima ng lindol.

Maliban sa financial assistance, mamimigay din ng family food ang Department of Social Welfare and Development (DSWD), na pangunahan ni Secretary Rolando Bautista.

 

Read More

DU30 ‘DI NA BIBISITA SA KUWAIT; HUSTISYA SA PINATAY NA PINAY OFW, TINIYAK 

DUTERTE66

(NI NOEL ABUEL)

KINUMPIRMA ni Senador Christopher Bong Go na hindi na bibisita si Pangulong Rodrigo Duterte sa Kuwait kasunod ng brutal na pagkamatay ng isang Pinay workers sa kamay ng kanyang amo.

Kasabay nito, tiniyak din ni Go na matatanggap ng pamilya ng isang Pinay domestic worker ang hustiya sa sinapit nitong kamatayan sa kamay ng Kuwaiti employer.

Sinabi ni Go na isusulong nito ang pagkamit  ng katarungan para kay Jeanelyn Padernal Villavende at tutulong din para mapabilis ang pagpapauwi sa mga labi nito sa kanyang pamilya.

Kasabay nito, kinondena ni Go ang pagpatay sa isa na namang Pinay domestic worker sa Kuwait.

Sinabi ng senador na nakalulungkot isipin na kinakailangang magsakripisyong lumayo ang ilang mga Pinoy sa kanilang pamilya para kumita ng subalit mas nakakalungkot na marami rin ang inaabuso habang ang iba ay humahantong pa sa kanilang kamatayan.

Ayon kay  Go, taong 2018 pa nilagdaan ang labor agreement sa pagitan ng pamahalaan ng  Pilipinas at Kuwait ngunit  sa kabila nito ay marami pa rin ang napapaulat na pag-abuso sa mga manggagawang Pinoy.

Binigyang diin nito na hindi ito papayag na may mga naaaping kababayan  at lalong hindi umano ito papayag na hindi mabigyan ng  hustisya ang mga ito.

 

Read More

DELAY SA PAGPIRMA SA NAT’L BUDGET WALANG EPEKTO SA EKONOMIYA 

(NI BERNARD TAGUINOD)

KUMPIYANSA ang liderato ng Mababang Kapulungan ng Kongreso na hindi makaaapekto sa ekonomiya ang anim na araw na delay sa pagpirma ni Pangulong Rodrigo Duterte sa 2020 national budget na nagkakahalaga ng P4.1 Trillion.

Ayon kay  House committee Information and Communications Technology chair Victor Yap, ng Tarlac, wala itong nakikitang indikasyon na magkakaroon ng malaking epekto sa ekonomiya ang isang linggong delay sa pambansang pondo.

“For a week, I don’t think it will affect the economy unlike last year when it was (delayed) like half a year almost,” ani Yap na ang tinutukoy ay ang P3.757 Trillion na 2019 national budget na 5 buwang nagdelay dahil sa pork barrel issue.

Nabatid na sa Enero 6 pa umano pipirmahan ni Duterte ang national budget dahil nire-review pa umano nito ang inaprubahang pambansang pondo ng dalawang Kapulungan ng Kongreso.

“The signing on January 6 will be in time to finance the necessary expenditures especially the social services and the ‘Build, Build, Build’ projects. This will pump prime the economy,” ayon naman kay Ako Bicol party-list Rep. Alfredo Garbin

Unang itinakda ng Palasyo na pipirmahan ni Duterte ang pambansang pondo noong Disyembre 18, 2019 subalit hindi ito natuloy dahil pinag-aaralan pa niya ito.

Magugunita na naging kontrobersyal ang 2020 national budget matapos ilutang ni Sen. Panfilo Lacson na may pork barrel pa rin umano dito  sa inaprubahan  sa bicameral conference committee na umaabot sa P83 Billion.

Kabilang na rito ang flood control projects na hindi idinetalye kung saang lugar itatayo at ilang kilometro kaya hiniling ng mga militanteng mambabatas kay Duterte na i-veto ito.

Read More

DU30 PORMAL NANG TATANGGI SA IMBITASYON NI TRUMP

(NI CHRISTIAN  DALE)

PORMAL na tatanggihan ni Pangulong Rodrigo Roa Duterte ang imbitasyon ni US President Donald Trump sa kanya na bumisita sa Washington.

“He said he would respond to the invitation and will decline,” ayon kay Presidential spokesperson Salvador Panelo.

Ang desisyon ni Duterte ay walang kinalaman sa ginawang paglagda ni President Trump sa US Fiscal Year 2020 State and Foreign Operations Appropriations Act kung saan nakapaloob ang probisyon na nagba-ban sa mga Philippine government officials na sangkot sa pagpapakulong kay Senador Leila de Lima.

“He said he never intended to visit the US naman ever since,” ayon kay Panelo

Taong 2017 nang imbitahan ni Trump si Pangulong Duterte na bumisita sa White House.

Noong Hulyo ng nakaraang taon ay sinabi ng Pangulo na ayaw niya ng mahabang byahe.

Bukod pa rito ay hectic din ang iskedyul ng Pangulo kaya’t malamang na hindi niya talaga matupad ang imbitasyon ni Trump.

At sa tanong kung dapat pang masamain ni Pangulong Duterte ang ginawang pagtinta ni President Trump sa budget law kungvsaan nakapaloob ang probinsyon ng entry ban, ay sinabi ni Panelo na ‘no.’

“No. Kasi unang-una, I have already repeatedly said, it’s not naman self-executory eh. The law itself says if there is credible information received by the one who will decide – and the one who will decide will be the Secretary of State.

“And that is why even the Ambassador, as I related to you, when we had an encounter in one party the other night, he said eh sa Congress naman eh,” aniya pa rin.

Read More

MANILA WATER, MAYNILAD NAGPATAAS NG RATING NI DU30 

du30with people12

(NI BERNARD TAGUINOD)

NANINIWALA ang isang mambabatas sa Mababang Kapulungan ng Kongreso na ang pagkabog ni Pangulong Rodrigo Duterte sa mga oligaryo  tulad ng Maynilad at Manila Water ang isa sa mga nagpataas sa kanyang ratings lalo na sa hanay ng mga mahihirap.

“These trust ratings quantify the massive political capital President Duterte has and which he is willing to use against the oligarchs who have controlled Filipino lives for far too long, ani BH party-list Rep. Bernadeth Herrera.

Base sa Pulse Asia survey, mula sa 75% na approval rating na ibinigay ng Class D kay Duterte noong Setyembre, nadagdagan ito ng 10% kaya umabot ito ng 88%  nitong Disyembre.

Binigyan naman ng Class E o ang pinakamahirap na sektor ng lipunan ng napakataas na 84% approval rating si Duterte habang ang Class ABC ay 89% ang ibinigay na approval rating o mas mataas ng 14% kumpara sa 75% na naitala noong Setyembre.

“We have a President who listens to the people and who acts decisively,” ani Herrera dahil isinagawa ang survey ng Pulse Asia sa kasagsagan ng usapin sa concession agreement sa Maynilad at Manila Water kung saan agrabyado ang mga consumers.

Magugunita na inutos ni Duterte na rebyuhin ang concession agreement ng Manila Water at Maynilad matapos idemenda ng mga ito ang gobyerno sa Permanent Court of Arbitration (PCA) na nakabase sa Singapore matapos hindi sila payagang magtaas ng singil mula noong 2015.

Nanalo ang mga ito sa  kaso kung saan pinagbabayad ang gobyerno ng P7.4 Billion sa Manila Water at P3.4 Billion sa Maynilad na ikinagalit ni Duterte at agad na pinarebyu ang kasunduan kung saan natuklasan na 8 hanggang 12 probisyon dito ay agrabyado ang gobyerno at consumers.

Umatras naman ang Manila Water at Maynilad sa paniningil at pumapayag ang mga ito na baguhin ang concession agreement subalit hindi pa rin nagpatinag dito si Duterte.

 

Read More

MINDANAO QUAKE VICTIMS PATULOY NA MINOMONITOR

(NI CHRISTIAN  DALE)

PATULOY na naka-monitor sina Pangulong Rodrigo Roa Duterte at Senador Bong Go sa sitwasyon sa Davao del Sur matapos hagupitin ng malakas na lindol noong nakaraang linggo, Disyembre 15.

Ito’y dahil na rin sa nararanasang aftershocks makaraang maranasan ang malakas na 6.9-magnitude earthquake sa nasabing rehiyon.

Plano naman ng mga ito na muling bisitahin ang mga earthquake victims.

“Parating naka-monitor ang Pangulo dahil tuloy tuloy ang paglindol doon.Handa silang (national government agencies) makipag-coordinate sa mga LGUs doon,” ani Go.

Sa katunayan aniya ay naka-deploy na ang mga national government agency sa mga quake-hit areas.

Base sa report ng National Disaster Risk Reduction and Management Council’s (NDRRMC), tinatayang alas-4:00 ng hapon ng Disyembre 18 ay may kabuuang 826 aftershocks ang naitala kung saan 86 rito ay naramdaman ng mga residente.

Naitala rin na may kabuuang 29,592 pamilya sa 105 barangay sa Davao region ang apektado kung saan ay may 3,076 pamilya naman ang kasalukuyang nasa temporary shelter sa 24 evacuation centers.

At sa naitalang casualty ay may 11 katao ang napaulat na namatay habang isa naman ang nawawala at 195 naman ang nasugatan.

May ilang daang gusali at imprastraktura naman ang nasira.

Kaya nga balak ni Go na muling bisitahin ang evacuation centers ngayong weekend at i- check ang situwasyon ng mga pamilyang naapektuhan ng malakas na lindol.

“Ako naman, plano kong pumunta doon pag-uwi ko sa weekend para bumisitang muli. Traumatized talaga ang mga bata doon. Plano ko sila ipasyal sa Davao para makalimutan ang traumang nangyari sa kanila,“ ani Go.

Sa kabilang dako, isinusulong naman ng senador ang pagtatatag ng “dedicated and enhanced department” na haharap sa disaster preparedness measures at polisiya ng bansa.

Aniya pa rin, noon pang Nobyembre naka-extend ang kanyang tanggapan sa pagsuporta sa mga biktima ng serye ng lindol sa North Cotabato at Davao del Sur gaya ng tents, food packs at iba pang other relief assistance.

Nag-alok din ng tulong si Go sa mga kabataan para makayanan ang trauma na dala at iniwan sa kanila ng malakas na lindol sa Davao City.

“Magdadala din ako ng kaunting tulong at pakinggan ang mga hinanaing nila. Gusto kong mag-iwan ng ngiti at saya sa mga kababayan kong apektado kahit alam kong nagdadalamhati sila at nahihirapan sa sitwasyon ngayon,” anito.

Read More

TRUST, APPROVAL RATING NI DU30 TUMAAS NGAYONG DISYEMBRE

pulse asia du3044

NAKABAWI at nakabangon si Pangulong Rodrigo Duterte sa trust and approval ratings ngayong Disyembre matapos sumadsad noong Setyembre, ayon sa latest survey na inilabas ng private pollster na Pulse Asia.

Tumaas ng siyam na porsyento ang approval rating ni Duterte  sa 87 mula sa 78 porsiyento noong Setyembre kung saan mas maraming indibidwal mula sa Luzon, hindi kasama ang Metro Manila, at class ABC, ang nagpahayag ng pag-sang-ayon sa Pangulo.

Tumaas din ang trust rating ni Duterte mula 74 porsiyento sa 83

Mas marami rin sa Luzon sa labas ng Metro Manila at sa class ABC ang tiwala sa Pangulo.

Tanging limang porsiyento ang hindi sang-ayon sa Pangulo at anim na porsiyento lamang ang walang tiwala.

Mataas din ang trust at approval rating nina Senate President Vicente “Tito” Sotto III at House Speaker Alan Peter Cayetano.

Tumaas naman sa 16 porsiyento ang approval ni Cayetano, pinakamataas sa hanay ng mga opisyal ng gobyerno.

Read More

SIN TAX LAW RATIPIKADO NA SA KAMARA

sin tax law12

(NI ABBY MENDOZA)

NIRATIPIKAHAN na ng Kamara ang package 2+ ng Comprehensive Tax Reform Program na magtataas ng excise tax rates sa alcohol products, heated tobacco at vapor products sa bansa.

Ang nasabing panukala ay niratipikahan na rin sa Senado kaya inaasahang isusumite na ito sa Malacanang para sa pag-apruba ni Pangulong Rodrigo Duterte.

Sa ilalim ng panukala ang mga inuming distilled spirits ay papatawan ng ad valorem tax na  22 percent ng retail price at additional specific tax na P42 per liter sa taong  2020, P47 sa 2021, P52 sa 2022, P59 sa 2023 at P66 sa 2024 habang ang specific tax ay itaas ng 6 percent kada taon.

Ang mga still wines at sparkling wines ay papatawan ng  excise tax na P50 at itaas pa ng 6% kada taon.

Ang fermented liquors ay bubuwisan ng  P35 per liter sa 2020,P37 sa 2021, P39 sa 2022, P41 sa 2023 at P43 sa 2024 at ang kanilang rates of tax ay iataas ng 7% kada taon.

Samantala ang heated tobacco products ay papatawan ng excise tax rate na P25 per pack sa 2020, P27.50 sa 2021,P30 sa 2022 at P32.50 sa 2023 habang ang tax ay itaas ng 5% kada taon.

Sa  vapor products, salt nicotine ay papatawan ng excise tax na P37 per milliliter sa 2020 at P5 pa kada taon hanggang 2023.

Ayon kay Albay Rep, Joey Salceda, Chairman ng Houe Ways and Means Committee na inaasahang makalilikom ang gobyerno ng P24.9B dahil sa bagong ipapataw na tax.

Sa kikitain ng gobyerno ay  60 percent  ay ilalaan sa  Universal Health Care Law, 20 percent sa Health Facilities Enhancement Program at 20 percent sa development projects sa health sector.

Read More