DESISYON NI DUTERTE SA DEPLOYMENT BAN HINIHINTAY

duterte32

(NI NOEL ABUEL)

DAPAT hintayin ng lahat ang desisyon ni Pangulong Rodrigo Duterte kung tuluyan nang ipagbawal ang pagpapadala ng mga domestic worker sa bansan Kuwait.

Ayon kay Senador Christopher Bong Go kailangang hintayin ang desisyon ni Pangulong Rodrigo Duterte hinggil sa isyu.

Paliwanag ni Go, binabalanse ni Duterte ang mga mawawalan ng trabaho sa deployment ban at kailangang matiyak ang kapakanan ng nakararami.

Nilinaw ni Go na hanggang walang kautusan ang Pangulo ay tuloy ang planong pagtungo nito sa Kuwait ngayong unang bahagi ng taon.

Iginiit ng senador na mula sa nilagdaang kasunduan ng Kuwait at Pilipinas ay marami ring pinagbigyan ang Kuwaiti government.

Tiniyak naman ni Go na hangad nito at ni Duterte na mabigyan ng hustisya ang pagpatay kay Jeanelyn Villavende ng kanyang mga among babae sa Kuwait.

 

Read More

PDU30 PINAGPAPAHINGA NG DOKTOR

SA ikalawang pagkakataon, hindi muli sinipot ni Pangulong Rodrigo Duterte and nauna nyang iskedyul na pagtungo sa mga lugar na tinamaan ng lindol nitong Biyernes sa Davao del Sur.

Ito ay matapos ihayag ni Senator Christopher “Bong” Go na inabisuhan ang Pangulo ng kanyang doktor na magpahinga muna.

Ayon sa senador, ito ang dahilan kung kaya’t hindi nakadalo ang pangulo sa dalawang public engagement nitong Huwebes (January 2) at Biyernes (January 3). Sinabi ni Go sa mga mamamahayag na nakaranas ang Pangulo ng pananakit ng tiyan dahil sa kinain nito.

Tiniyak naman ng senador na walang dapat ikabahala ang publiko sa lagay ng kalusugan ng Pangulo.

Naglabas pa ito ng selfie kasama ang Pangulo.

Hiniling din ng senador ang panalangin para sa mabilis na paggaling ng pangulo.

Matatandaang si Davao City Vice Mayor Sebastian “Baste” Duterte ang naging representante ng pangulo sa pagbisita sa mga biktima ng lindol sa Malalag, Davao del Sur noong Biyernes.

Kasama ng nakababatang Duterte at Go si Department of Social Welfare and Development Under Secretary Luz Ilagan, ng iabot ang tseke na nagkakahalaga ng P5-milyong piso mula sa Office of the President kay Malalag Mayor Peter Paul Valtan.

Maliban sa cash assistance, ang presidential son din ang nanguna sa ceremonial rites upang iabot ang mga food packs para sa limang pamilya na biktima ng lindol.

Sa talumpati ni Go, humingi ito ng paumanhin dahil hindi nakadalo ang 74-anyos na Duterte at sinabing “not feeling well” ang Pangulo simula noong Huwebes at inabisuhan ng kanyang doktor na magpahinga muna.Ngunit nilinaw naman ni Go sa harapan ng 1,500 indibidwal na dumalo sa programa na maayos ang kondisyon ng katawan ng Punong Ehekutibo.

Dagdag ni Go na nakatakdang aalis ang Pangulo patungong Maynila, Biyernes ng gabi upang dumalo sa turn-over ceremonies para sa bagong Chief of Staff ng Armed Forces of the Philippines ngayong araw (Sabado), Enero 4.

Umabot din sa tatlong oras na naghintay ang mga biktima ng lindol sa dalawang bayan matapos unang makansela ang pagtungo ng pangulo noong Huwebes, Enero 2.

Sa bayan ng Padada, tinanggap din ni Mayor Pedro Caminero ang tseke na nagkakahalaga ng P5-milyon sa loob ng Padada Central Elementary School.

Ayon na sa bakwit na si Felisa, 52, matyaga siyang nag-antay sa Pangulo simula ala 1:00 ng hapon ngunit di niya ito nasilayan.

Ganoon pa man, masaya na rin ito na nakita si Sebastian nang personal na ayon sa kanya ay sa telebisyon lang madalas nakikita.

Ang nasabing aktibidad ang siyang unang schedule ng Pangulo nitong taong 2020. (DONDON DINOY)

Read More

MINDANAO QUAKE VICTIMS PATULOY NA MINOMONITOR

(NI CHRISTIAN  DALE)

PATULOY na naka-monitor sina Pangulong Rodrigo Roa Duterte at Senador Bong Go sa sitwasyon sa Davao del Sur matapos hagupitin ng malakas na lindol noong nakaraang linggo, Disyembre 15.

Ito’y dahil na rin sa nararanasang aftershocks makaraang maranasan ang malakas na 6.9-magnitude earthquake sa nasabing rehiyon.

Plano naman ng mga ito na muling bisitahin ang mga earthquake victims.

“Parating naka-monitor ang Pangulo dahil tuloy tuloy ang paglindol doon.Handa silang (national government agencies) makipag-coordinate sa mga LGUs doon,” ani Go.

Sa katunayan aniya ay naka-deploy na ang mga national government agency sa mga quake-hit areas.

Base sa report ng National Disaster Risk Reduction and Management Council’s (NDRRMC), tinatayang alas-4:00 ng hapon ng Disyembre 18 ay may kabuuang 826 aftershocks ang naitala kung saan 86 rito ay naramdaman ng mga residente.

Naitala rin na may kabuuang 29,592 pamilya sa 105 barangay sa Davao region ang apektado kung saan ay may 3,076 pamilya naman ang kasalukuyang nasa temporary shelter sa 24 evacuation centers.

At sa naitalang casualty ay may 11 katao ang napaulat na namatay habang isa naman ang nawawala at 195 naman ang nasugatan.

May ilang daang gusali at imprastraktura naman ang nasira.

Kaya nga balak ni Go na muling bisitahin ang evacuation centers ngayong weekend at i- check ang situwasyon ng mga pamilyang naapektuhan ng malakas na lindol.

“Ako naman, plano kong pumunta doon pag-uwi ko sa weekend para bumisitang muli. Traumatized talaga ang mga bata doon. Plano ko sila ipasyal sa Davao para makalimutan ang traumang nangyari sa kanila,“ ani Go.

Sa kabilang dako, isinusulong naman ng senador ang pagtatatag ng “dedicated and enhanced department” na haharap sa disaster preparedness measures at polisiya ng bansa.

Aniya pa rin, noon pang Nobyembre naka-extend ang kanyang tanggapan sa pagsuporta sa mga biktima ng serye ng lindol sa North Cotabato at Davao del Sur gaya ng tents, food packs at iba pang other relief assistance.

Nag-alok din ng tulong si Go sa mga kabataan para makayanan ang trauma na dala at iniwan sa kanila ng malakas na lindol sa Davao City.

“Magdadala din ako ng kaunting tulong at pakinggan ang mga hinanaing nila. Gusto kong mag-iwan ng ngiti at saya sa mga kababayan kong apektado kahit alam kong nagdadalamhati sila at nahihirapan sa sitwasyon ngayon,” anito.

Read More

KALAGAYAN NG BIKTIMA NG LINDOL BANTAY-SARADO

lindol22

(NI NOEL ABUEL)

TINIYAK ni Senador Christopher Bong Go na nagpapatuloy ang monitoring ni Pangulong  Rodrigo Duterte sa kalagayan ng mga mamamayan sa mga lugar sa Mindanao na nakakaranas ng paglindol.

Ayon sa senador, naka-deploy aniya ang mga kinauukulang ahensya ng pamahalaan para agad na matugunan ang pangangailangan ng local government units (LGUs).

Kabilang  umano sa mga ahensya ng gobyerno na umaalalay sa mga residente sa Mindanao ang Department  of Public Works and Highways (DPWH), Department  of Social Welfare and Development (DSWD), National Disaster Risk Reduction and Management Council (NDRRMC), Department  of Health (DOH) at Office of Civil Defense (OCD).

Sinabi ni Go na plano rin nitong bisitahin muli ang mga biktima ng lindol sa North Cotabato at Davao del Sur upang ipakita sa mga ito na hindi tumatalikod ang pamahalaan sa obligasyon sa mga Filipino.

Kinumpirma ni Go na plano niyang ipasyal ang mga batang biktima ng  lindol sa Davao para makalimutan  nila ang trauma ng nangyari sa kanila.

Maliban pa ito sa mga dadalhin niyang pagkain at iba pang  tulong para mabawasan ang pasanin ng mga biktima.

 

Read More

DOJ SA KASUNDUAN NG WATER CONCESSIONAIRES HINIHINTAY NI DU30

MAYNILAD-MANILA WATER CO2

(NI NOEL ABUEL)

IGINIIT ni Senador Christopher Lawrence Go na hintayin ng taumbayan ang magiging resulta ng imbestigasyon ng Department of Justice (DOJ) sa kontrata ng water concessionaires na Maynilad at Manila Water.

Aniya, kailangang malaman ng publiko kung nagmalabis ang naturang mga water concessionaires upang mahabol at papanagutin.

Sinabi ni Go na iniutos na ni Pangulong  Duterte sa DOJ na hanapin ang mga kuwestiyunableng probisyon  sa concession agreement ng  dalawang water company sa gobyerno na hindi pabor  sa taumbayan.

Ayon kay Go, interesado ang Pangulo na malaman kung bakit nagkaroon ng mga probisyon sa kasunduan na hindi pabor sa mga consumers.

Binigyang diin nito na dapat ay interes ng  mga Filipino ang mangibabaw sa lahat ng pagkakataon at hindi ang mga negosyante lalo na ang mga nang-aabuso sa kanilang gawain.

Dagdag ni Go na hindi makatarungan na pasanin ng taumbayan ang mga bayarin ng dalawang kumpanya tulad ng pagbabayad ng income tax  na hindi naman dapat pasanin at lalong nagpapahirap sa mga mahihirap na Filipino.

 

Read More

PAGKILALA SA KICKBOXING SUPORTADO NI GO

(NI NOEL ABUEL)

SUPORTADO ni Senador Christopher Bong Go ang resolusyon na nagtatakda ng pagkilala at nagbibigay-puri sa Philippine National team for kickboxing.

Ito ay bunsod ng ipinamalas na galing ng mga bumubuo ng grupo sa nagdaang 30th South East Asian Games.

Sinabi ni Go na lahat ng mga Pinoy athlete saan man sila lumaban ay nagpakita ng galing at husay sa SEA Games.

Bilang advocate ng long term sports development at chair ng Senate Committee on Sports, sinabi ni Go na kampante itong ang galing ng mga Pinoy athlete ay tumatak sa puso at isip ng mga kapwa Pilipino.

Binigyang diin ni Go na sa kabila ng katotohanang hindi tahanan ng kickboxing ang Pilipinas ay nagpakita pa rin ng kakaibang husay ang mga Pinoy kickboxer na humakot ng medalya.

Dagdag ni Go na patunay ng tagumpay ng mga Pinoy athlete na kapag may pagkakaisa at suporta ay magtatagumpay ang mga manlalarong Pilipino.

Read More

SURFER CASUGAY, TINAGURIANG HERO NG 30TH SEA GAMES 

(NI DANG SAMSON-GARCIA)

KINUMPIRMA ni Senador Bong Go na bibigyan ng Lapu-Lapu award ang Pinoy Surfer na si Roger Casugay na matapos iligtas ang kapwa surfer ay nakasungkit din ng gintong medalya sa Southeast Asian Games.

Sa kanyang speech na nagbibigay ng pagkilala sa Surfing team, iginiit ni Go na una na rin niyang ipinagako kay Casugay na manalo o matalo siya sa kompetisyon ay tatanggap siya ng award.

“Walang dudang si Casugay ang hero ng 30th Southeast Asian Games,” saad ni Go.

Sa kanyang Senate Resolution 230, sinabi ni Go na dapat lamang kilalanin ang sportsmanship ni Casugay at ang pagtulong nito sa kapwa atleta sa kanilang longboard open surfing.

Maging si Senador Nancy Binay ay naghain ng Senate Resolution 258 para sa pagkilala sa mga nanalong atletang Pinoy sa SEA Games.

Kapwa sinabi nina Binay at Go na dapat maging inspirasyon ng lahat ng atleta at mga kabataang Pinoy si Casugay.

Nagpasalamat naman si Casugay sa ibinigay na pagkilala ng Pangulo,mga senador at ng mga kapwa Filipino.

Nilinaw din ni Casugay ang mga ulat na nalulunod ang pambato ng Indonesia nang tulungan niya ito.

Ipinaliwanag ng hero surfer na hindi nalunod at sa halip ay nahirapan lang na makabalik sa shoreline  dahil  sa lakas ng alon.

Dahil dito, itinigil ang laban at ayon kay Casugay ay inutusan siya na tulungan ang kapwa atleta.

Sa paliwanag naman ni Dr George Canlas, pangulo ng Unified Philippines Surfers Association, dahil sa papapatigil ng laban ay nawala ang momentum ni Casugay na noon ay lamang na sa laban bago nagkaproblema ang Indonesian surfer.

Read More

DEPED, DPWH PINAKIKILOS SA NAWASAK NA CLASSROOMS

deped25

(NI NOEL ABUEL)

IPINAMAMADALI ni Senador Bong Go sa Department of Education (DepEd) at Department of Public Works and Highways (DPWH) ang pagsasaayos sa mga nasirang eskuwelahan at kalsada dulot ng nagdaang bagyong Tisoy.

Maliban sa nasabing mga ahensya kasama rin sa pinakikilos ni Senador Go ang Department of Energy (DOE) at Department of Information and Communication Technology (DICT) upang bumalik na sa normal na pamumuhay ang mga naapektuhan pamilya sa Bicol region, partikular sa Albay at Sorsogon.

Ayon kay Go, inatasan ito ni Pangulong Rodrigo Duterte na kausapin ang mga opisyales ng mga nasabing ahensya upang agad na ipatupad ang utos nito.

Sinabi ni Go na maliban sa tulong ay naibibigay ang uniform at school supplies ng mga estudyanteng biktima ng bagyo.

“May dala po akong konting grocery items at ako na rin po ang bibili ng uniporme ng mga bata para makapabalik agad sila sa kanilang pag-aaral,” ayon sa senador.

Tiniyak din nito na sasagutin din ang pagpapaopera ng mga biktima ng bagyo kung kailangang dalhin ang mga ito sa Metro Manila.

Una nang tiniyak ni Go na mayroong programa ang National Housing Authority na pagtulong sa mga napinsalang bahay ng mga biktima para agad na makabangon ang mga ito.

 

Read More

BAYANING PULIS PARARANGALAN SA SENADO

(NI NOEL ABUEL)

PARARANGALAN sa Senado ang dalawang miyembro ng Philippine National Police (PNP) na nagpakita ng tapang at dedikasyon sa tungkulin at pag-alay ng sariling buhay ang isa sa mga ito  para masagip ang mga inosenteng sibilyan.

Nagkakaisa sina Senador Sonny Angara at Senador Christian Lawrence Go, na bigyan ng pagkilala ang dalawang pulis dahil sa ipinamalas na katapangan at hindi pagdadalawang-isip na ialay ang buhay tulad ng isinasaad ng tungkulin ng mga  ito.

Ayon kay Go, nakatakda nitong ihain ang isang Senate resolution sa Lunes, Disyembre 9, para kilalanin ang nasabing mga pulis dahil sa ‘exemplary courage and heroism’.

Kabilang dito si Police Senior Master Sergeant Jason Magno, na nasawi matapos  gamitin ang sariling katawan para hindi madamay ang mga estudyante sa sumabog na granada sa Initao College sa bayan ng Initao, Misamis Oriental.

“Master Sergeant Magno responded to the call of duty to protect the lives of civilians. Without thinking of his own safety, he used his body to cover the grenade, saving more lives but tragically losing his own in the process,” sabi naman ni Angara.

Samantala, personal na tinungo nina Pangulong Rodrigo Duterte at Go ang lamay ni Magno kung saan binigyan ito ng President posthumous award na Order of Lapu-Lapu Magalong Medal na ibinigay sa pamilya nito.

Maliban dito ay binigyan din si Magno ng PNP Medal of Valor o Medalya ng Kagitingan kung saan nakatanggap ang pamilya nito ng financial assistance.

Tinungo rin nina Duterte at Go ang kinalalagyan ng isa pang pulis na si Police Senior Master Sergeant Alice Balido na kabilang din sa nasugatan sa nasabing insidente na pinagkalooban ng Order of Lapu-lapu Kampilan Medal at financial assistance mula sa Office of the President.

 

Read More