INAASAHANG mahigit 100 imahe ng Mahal na Birheng Maria mula sa iba’t ibang parokya at koleksiyon ng mga pamilya ang kalahok sa 44th Grand Marian Procession (GMP) ngayong Linggo, Disyembre 7, sa Intramuros, Maynila.

Taunang idinaraos ang tradisyunal na prusisyon tuwing unang Linggo ng Disyembre sa Plaza de Roma, sa harap mismo ng Manila Cathedral, bilang pagdiriwang ng Pista ng Immaculate Conception.

Magsisimula ang grand parade bandang 4:00 p.m., matapos ang banal na misa sa Cathedral.

Tampok sa prusisyon ang kilalang Marian images tulad ng #LaNavaldeManila, #OurLadyofPortaVaga ng Cavite City, #OurLadyofthePillar ng Imus, Banal na Pastol ng Gapan, Nueva Ecija, #MorningStar ng Taytay, Rizal, Our Lady of Caysasay ng Batangas, at ang #OurLadyofPeaceandGoodVoyage ng Antipolo.

Kasama rin ang Our Lady of the Abandoned ng Marikina, Our Lady of Aranzazu ng San Mateo, Our Lady of Light ng Cainta, Our Lady of the Most Holy Rosary ng Cardona.