HUDYAT nang tululuyang pagkawasak ng Communist party of the Philippines at ng armadong galamay nitong New People’s Army, ang pagsuko ng 150 rebelde sa Cagayan, ayon kay Northern Luzon Command chief, Lt. Gen. Arnulfo Marcelo Burgos.

Ayon kay NOLCOM commander, Lt. Gen. Burgos, ang mass surrender ng mga NPA at mga tagasuporta nito sa Cagayan, ay nangangahulugan ng nalalapit na pagkalupig ng CPP-NPA sa Hilagang Luzon.

Pinangunahan ng pinagsanib na puwersa ng 17th Infantry Battalion, Marine Battalion Landing Team (MBLT) 10, 77th Infantry Battalion at PNP ang pagsasagawa ng localized peace negotiation sa pamamagitan ng Community Support Program, sa tulong ng Local Government Units ng mga bayan ng Rizal at Sto. Niňo sa Cagayan Province.

Ang 150 surrenders ay kinabibilangan ng 72 Milisya ng Bayan mula sa Barangays Masi, Bural at San Juan, pawang sa Rizal, Cagayan; 37 Milisya ng Bayan mula sa Barangays Balagan at Calassitan, sa Sto. Niňo, Cagayan; 19 kasapi ng Pambansang Katipunan ng mga Magbubukid (PKM); 9 miyembro Malayang Kilusan ng Bagong Kababaihan (MAKIBAKA), at 5 kasapi ng Kabataang Makabayan mula Barangay Abariongan Uneg, Sto. Niňo, Cagayan, at 8 miyembro ng Kabataang Makabayan mula Barangay Calassitan, Sto. Niňo, Cagayan.

“This mass surrender of Milisya ng Bayan and party members from the different NPA-affiliated mass organizations is a testament that the communist terrorists no longer enjoy the mass base support in these areas,” ani Lieutenant General Burgos.

“These innocent individuals have fallen victims to the false promises and deception of the communist terrorists. It is therefore, our moral obligation to reach out to them and pull them back to mainstream society. Since at the end of the day, they are still our people who just wanted to live a peaceful and progressive life, which every Filipino deserves,” dagdag pa ng heneral.

Samantala, hinikayat ni Burgos ang nalalabing communist terrorists sa Central at Northern Luzon na magsalong na ng sandata at sundan ang landas na tinatahak ngayon ng mga dating kasamahan na sinasamantala ang reintegration program ng gobyerno, ang Enhanced Comprehensive Local Integration Program (ECLIP). (JESSE KABEL)