TATLONG street-level drug personalities ang nadakip sa ikinasang buy bust operation ng Station Drug Enforcement Unit (SDEU) ng Makati City Police sa lungsod noong Martes.

Ang pagdakip sa tatlong suspek na sina alyas “Urmesh”, 50; “Vince”, 53; at “Jay”, 20, ay nagresulta sa pagkakakumpiska sa P139,400 halaga ng umano’y shabu.

Ayon kay Makati CPS Officer-in-Charge Col. Reycon L. Garduque, sa gitna ng operasyon, nakumpiska ng SDEU operatives ang tinatayang 20.50 na gramo ng umano’y shabu, gray metallic Mitsubishi Xpander, cellular phone, at buy bust money.

Inihahanda na ng mga awtoridad ang pagsasampa ng kasong paglabag sa Comprehensive Dangerous Drugs Act of 2002 laban sa tatlong suspek.

“This successful operation is a testament to the hard work and dedication of our officers in Makati. We will not rest until every corner of our district is free from the menace of illegal drugs,” pahayag ni Southern Police District (SPD) Acting District Director BGen Randy Arceo.

(CHAI JULIAN)