CAVITE – Umabot sa 42 hinihinalang tulak ng ilegal na droga ang inaresto ng mga tauhan ng Cavite Police sa isinagawang magdamagang buy-bust operations sa magkakahiwalay na lugar sa lalawigang ito.

Ayon sa ulat ng Cavite Police Provincial Office (CPPO), isinagawa ang buy-bust operations sa pagitan ng alas-8:00 noong Biyernes ng gabi at hanggang alas-2:20 ng madaling araw nitong Sabado sa limang siyudad at walong bayan ng lalawigan.

Nanguna ang Imus City sa painakamaraming tulak na naaresto na umabot sa 15, sumunod ang Dasmariñas City (5); tig-4 sa Bacoor City at General Mariano Alvarez (GMA); Naic (3), tig-2 naman ang Cavite City, Gen. Trias City at Silang habang tig-1 ang Amadeo, Carmona, Magallanes , Kawit at Mendez o kabuuang 42 katao.

Nahaharap sa kasong paglabag sa RA 9165 (Comprehensive Dangerous Drugs Act of 2002) ang mga suspek na nakakulong na sa Cavite Custodial Center. (SIGFRED ADSUARA)