(Ni JOMAR OPERARIO)
May bagong abogado ang Bureau of Customs-Port of Manila (BOC-POM).
Ito’y sa katauhan nina Eleazar B. Rabanes, Angelic A. Diaz, at Mohammad M. Ben-Usman na pawang empleyado ng ahensya.
Bagama’t sila’y mga empleyado na ng ahensya, nagawa pa rin nilang maging mga abogado matapos sila’y suwertehing makapasa sa 1,800 examinees sa katatapos na 2018 Bar Examination.
“Hindi pa masyadong nagsi-sink in,” ganitong inilarawan ni Rabanes matapos niyang makita ang kanyang pangalan sa listahan ng mga nakapasa sa nasabing pagsusulit.
Pangarap ni Rabanes na maging abogado kaya’t laking pasalamat niya na natupad niya ang kanyang pangarap.
Samantala, si Diaz ay pinakamatanda sa kanilang magkakapatid.
“My mother is a simple housewife and my father is a retired police officer. I want to help my family that’s why I attended law school,” ayon kay Diaz.
Naging empleyado si Diaz sa BOC at ginamit niya umano ang oportunidad para lalo pang maging maayos ang kanyang buhay at makatulong sa ibang tao kaya gusto niyang maging abogado.
“This is my dream since childhood,” ayon naman kay Usman kasabay ng pagsasabing ginamit niya umano itong driving force para matupad niya ang kanyang pangarap.
Bagama’t may kanya-kanyang plano sa buhay ang tatlo bilang ganap nang mga abogado ngunit iisa lamang umano ang tiyak at ito ay ang ipagpatuloy ang kanilang mga trabaho bilang public servant.
250
