Ang Unioil Terminal Depot sa Mariveles, Bataan, ang pangalawang fuel company na sumailalim sa  initial marking acti­vity ng Bureau of Customs (BOC), Department of Finance (DOF), at Bureau of  Revenue (BIR) nitong nagdaang Oktubre 22, 2019.

Isinagawa ang official fuel marker ng Fuel Mar­king Team sa tinatayang  53 million liters ng gasolina  na may kabuuang halagang  P405,367,424.00 sa pamumuno ni Port of Limay District Collector Michael Angelo DC Vargas kasama ng kinatawan mula sa fuel marking provider SGS-SICPA at Oilink International Corp. Terminal Depot.

Ang marker ay ibinuhos sa storage tanks para itim­pla sa petroleum products na mula sa nagdalang barko.

Ang iba pang terminals, ay nakahanda para sa pagmarka ng kanilang papara­ting na fuel imports  kasama ang  installation ng satellite offices ng Fuel Marking Provider.

Kasama sa mga terminal ay ang Pure Petroleum sa Subic, Phoenix Petroleum sa Calaca, SL Gas, Petron Limay, Filoil Bataan at Amlan Terminals.

Ang DOF, BOC, BIR, SGS-SICPA, at ang fuel companies ay nagtutulu­ngan para mapabilis ang marking sa lahat ng petro­leum products bago pa dalhin sa mga pamilihan.

Sa Pebrero 2020, lahat ng  gasoline, diesel, at kerosene ay inaasahang makukumpleto nang mamarkahan.

Samantala, nakatakda namang umaksyon at magpatupad ng multa, pagpapasara at pagkum­piska sa mga produktong petroyo  ang BOC laban sa mga kompanyang hindi pa sumailalim sa marking ng kanilang mga  produkto. (Jo Calim)