SIMULA sa Lunes ay muling magkakaroon ng cash lanes sa North Luzon Expressway (NLEX), ayon sa opisyal nito.

“Target natin po natin Monday. By Monday cash lanes should be open, pahayag ni Metro Pacific Tollways Corporation chief communications officer Romulo Quimbo.

Ang MPTC ang concession holder ng NLEX, Subic Clark Tarlac Expressway (SCTEX), Cavite Expressway (CAVITEX), Cavite Laguna Expressway (CALAEX), Cebu Cordova Link Expressway (CCLEX), at NLEX Connector.

Naunang sinabi ni Quimbo na ang NLEX ay magbubukas ng cash lanes katabi ng RFID lanes dahil sa traffic congestion sa toll road kasunod ng pagpapatupad ng 100% cashless payment scheme sa expressways.

Sinabi rin nito na ang NLEX ay magta-transfer ng existing RFID sticker installation at account reloading sa Karuhatan at Mindanao toll plazas para mapabilis ang traffic flow sa kalapit na lugar. (CATHERINE CUETO)