BIG TIME winner ang Cayetano in Action with Boy Abunda sa 38th Philippine Movie Press Club (PMPC) Star Awards for Television matapos nitong makuha ang Best Public Affairs Program at Best Public Affairs Program Host!

Gaganapin ang star-studded na awarding ceremony sa March 23, 2025 sa Dolphy Theater, kung saan magtitipon ang mga pinakasikat na pangalan sa showbiz at telebisyon.

Sa paggabay ng magkapatid na Senador ‘Kuya’ Alan Peter at ‘Ate’ Pia Cayetano, kasama ang one and only King of Talk na si Boy Abunda, patuloy na tumutulong ang programa sa pang-araw-araw na buhay ng mga Pinoy.

Mapapanood ito tuwing Linggo ng 11:00 ng gabi sa GMA 7. May replays ito tuwing Sabado ng 10:30 ng gabi sa GTV.

Ipinagpapatuloy nina Kuya Alan at Ate Pia ang legacy ng kanilang yumaong ama na si senador Rene Cayetano, na kilala rin sa kanyang iconic na programa sa radyo at TV na “Compañero y Compañera” noong 1997 hanggang 2001.

Sa pamamagitan ng Cayetano in Action with Boy Abunda, nais nilang ipagpatuloy ang adhikain ng kanilang ama na maglingkod sa taumbayan.

“My dad’s purpose, aside from serving the Lord, was to practice the law. Na-realize niya na kaya niya pinag-aralan ang batas ay dahil sa mabubuting magagawa niya dito sa Senado at sa batas. And I can relate to him,” kwento ni Kuya Alan. “Kasi katulad nga ng sinabi sa Bible, the law was made for man, not man made for the law,” dagdag pa ni Kuya Alan.

Dalawang taon nang umeere ang Cayetano in Action with Boy Abunda mula nang unang ipinalabas noong February 5, 2023. May iba’t ibang segment ang programa kung saan nakikinig sina Kuya Alan at Ate Pia sa mga hinaing ng ordinaryong Pilipino. Bilang parehong beteranong mambabatas at abogado, handa silang magbigay ng payo at solusyon sa mga problema ng mga tao.

Inaanyayahan ni Kuya Alan ang lahat na manood at matuto tungkol sa batas, pamilya, at pagmamalasakit sa kapwa.

“Sa ating mga kababayan, lalo na yung mga may malalaking problema sa kanilang buhay, whether financial or relational, huwag kayong magdalawang-isip na lumapit sa amin ni Ate Pia,” wika niya.

Abangan pa ang mas pinaigting na public service at makabuluhang diskusyon sa Cayetano in Action with Boy Abunda!