INALMAHAN nina Defense Secretary Gilberto “Gibo” Teodoro at Armed Forces of the Philippine Chief of Staff General Romeo Brawner ang ipinakakalat na panibagong fake narratives ng China para siraan ang Pilipinas at ang mga pinuno ng bansa na dumalo sa ginanap na Shangri-La Dialogue sa Singapore.

Ayon kay Sec. Gibo Teodoro, isa na namang black propaganda ang inihahasik ng China sa pamamagitan ng fake narratives at mga distorted video na kinuha ng mga pseudo journalist na ahente ng China na nagtungo sa Shangri-La Dialogue sa Singapore.

Ayon sa AFP, ang video na inilabas ng Communist Party of China-owned China Daily, na umano’y nagpapakita kay Gen. Romeo Brawner Jr. na ayaw humarap sa media, ay nagpakita ng mga “selective footage” ng supposed reporters na lumapit sa Armed Forces chief na salungat sa umiiral na protocol.

Tahasang inihayag ng AFP at Department of Defense na ang video ay propaganda. Misleading and malicious narrative na ipinakalat ng nagpakilalang mga journalist kasunod ng encounter nila sa Shangri-La Dialogue.

Mismong si Secretary Teodoro ang nagbigay linaw na walang Chinese delegation ang opisyal na sumali sa Shangri-La Dialogue in Singapore.

“The so-called journalists approached General Brawner outside of formal engagements, violating protocol and capturing selective footage used in the China Daily article titled ‘Philippine military chief dodges questions’.”

“This article is a blatant piece of propaganda aimed at discrediting the AFP and undermining the Philippines’ position in the West Philippine Sea,” ani Teodoro.

(JESSE KABEL RUIZ)