MAY 1.673 milyong maliliit na rice farmers ang makikinabang nang isabatas ni President Rodrigo Duterte ang Republic Act 11598 o ang ‘Cash Assistance To Filipino Farmers Act’, ayon kay Sen. Cynthia A. Villar.

Nitong Biyernes, nilagdaan ni Pres. Duterte ang bagong batas noong Dec. 10, subalit nabigyan ng kopya ang media noong lamang Jan. 6 (Thursday).

Dahil dito, masayang pinasalamatan ni Villar, chairperson ng Senate committee on agriculture and food, si Pres. Duterte sa batas na malaki ang maitutulong sa magsasaka sa kabila ng epekto ng coronavirus pandemic.

Iginiit ni Villar na patuloy na nahaharap ang ating mga magsasaka sa mga hamon sanhi ng liberalization ng rice importation noong 2019 at ng mga nakapipinsalang bagyo na tumama sa kanilang bukid.

“I strongly believe that our farmers need more support and assistance to cope with the several challenges, especially now that we are in a pandemic, and their health is also at risk,” ayon kay Villar.

“Any amount we give to our farmers will be a big help to augment their income and improve their poor living conditions,” dagdag pa niya.

“Towards this end, the state shall provide monetary assistance to the hardest hit segments of our small farmers in the form of actual giving of cash to them.”

Sa ilalim ng bagong batas, magbibigay ng tulong ang Department of Agriculture (DA) sa maliliit na magsasaka na nagsasaka ng 2 ektaryang lupa pababa hanggang 2024. Gagamitin nito ang pondo mula sa taunang tariff revenues na sobra sa P10 billion sa ilalim ng Rice Competitiveness Enhancement Fund (RCEF).

Sa ilalim ng bagong batas, inaatasan din ang Bureau of Customs (BoC) na direktang ibigay sa DA ang naturang sobrang pondo.

Sa katapusan ng bawat taon, dapat na magsumite sa Kongreso ang BOC at DA ng hiwalay na ulat sa remittance ng pondo at actual fund disbursement.

Inirerekomenda sa panukalang Senate Bill No. 1927 o Cash Assistance for Filipino Farmers Act of 2020 ni Villar na ibigay ang anumang sobrang halaga sa P10-billion RCEF collection ng BOC bilang cash assistance sa rice farmers na nagsasaka ng 2 ektarya o mas mababa pa na rice land.

Tinatayang may 1.673 milyong magsasaka ito na nakalista sa Registry System of Basic Sectors.

“The excess collection in 2019 amounting to P2.135 billion and P5.408 billion in 2020 were already allocated as cash assistance to Filipino rice farmers under the General Appropriations Act of 2021,” pahayag ni Villar.

“In its September report, the BOC said it has recorded a collection from rice importation amounting to P11.69 billion in tariffs from the 1.74 million metric tons of rice imports from January to August this year,” dagdag pa niya.

Ipinasa ang panukalang ito ng House of Representatives noong Sept. 15, 2021 at inadopt ng Senado Sept. 21.

“The House version follows the provision under Republic Act 11203 or the Rice Tariffication Law (RTL) that covers rice farmers owning two hectares of land and below.”

Layunin ng RTL na mapabuti ang competitiveness at income ng mga Pilipinong magsasaka sa kabila ng local rice trade policy liberalization.” (ESTONG REYES)