INILAGAY sa red alert status ang Pasay City Jail matapos ilipat doon si dating Department of Public Works and Highways (DPWH) Bulacan Assistant District Engineer Brice Hernandez mula sa PNP Custodial Facility.

Ayon kay Pasay City Jail Warden Supt. Alberto Tapiru Jr., ipinatupad ang “no leave, no day off policy” para sa lahat ng tauhan upang matiyak ang seguridad sa piitan.

Si Hernandez ay pansamantalang ikinulong sa quarantine cell nang pitong araw bago siya ililipat sa regular na selda.

Tiniyak naman ni Jail Supt. Jayrex Joseph Bustinera, tagapagsalita ng Bureau of Jail Management and Penology (BJMP), na walang espesyal na pribilehiyo na ibibigay kay Hernandez.

“Mag-isa po siya sa selda, wala pong VIP treatment. Wala pong aircon, electric fan at exhaust fan lang ang meron. Bawal din ang cellphone,” ani Bustinera.

(CHAI JULIAN)