FERNANDEZ SWAK SA U.S. OPEN Q’FINALS

UMABANTE sa quarterfinals ng U.S. Open ang Filipino-Canadian netter na si Leylah Fernandez.

Matapos maagang pauwiin noong Sabado si reigning champion Naomi Osaka, sunod na biniktima ni Fernandez sa Round of 16 si three-time Grand Slam champion Angelique Kerber ng Germany.

Dahil sa panalo, maka­kaharap sa quarterfinals ng world no. 73 na si Fernandez si fifth seed at Tokyo Olympics bronze medalist Elina Svitolina ng Ukraine.

“That’s going to be a very tough match,” pag-amin ni Fernandez na ang ama ay mula Ecuador at ang ina ay isang Filipino-Canadian.

“She returns a lot of balls. She’s aggressive. I’m just going to go on court and try to keep ­doing what I’ve been doing,” sabi ni Fernandez. (ANN ENCARNACION)