NAGTAPOS ang Uratex Dream bilang runner-up sa 3×3 Basketball Thai Super League sa Central Ayutthaya.
Kinapos ang Dream team nina Tina Deacon, Kaye Pingol, Alyssa Villamor at Eunique Chan kontra Shoot It Dragons ng Thailand, 17-11, sa championship game, Huwebes para sa silver medal finish.
Bago ito, tinalo ng Uratex ang isa pang Pinay club na Discovery Perlas, 20-15, sa semifinals at nakatakas kontra Malaysia Rising Star, 21-20.
Uuwing may bronze medal naman ang Discovery Perlas matapos talunin ang Sriracha Eagle ng Thailand, 21-18.
Naipasok ni Allana Lim ang game-clinching hook shot sa nalalabing 32.2 segundo para tiyakin ang podium finish sa invitational tourney.
Kasama ni Lim sina Ford Grajales, Sai Larosa at Hazelle Yam, pinayuko ng Perlas ang NK Bangkok Club, 16-13, sa quarterfinals. (ANN ENCARNACION)
220
