ANTIQUE – Arestado ang isang high-value drug personality sa isinagawang buy-bust operation sa Barangay 4, sa bayan ng San Jose sa lalawigan noong Sabado ng ng hapon.
Ayon sa ulat na ipinarating sa tanggapan ni Philippine Drug Enforcement Agency (PDEA) Director General Usec. Isagani Nerez, nagsagawa ng buy-bust operation ang PDEA RO6 Antique Provincial Office, katuwang ang Antique Police Provincial Drug Enforcement Unit, San Jose Municipal Police Station, at ang PDEA Western Visayas Airport Interdiction Unit (WVAIU).
Nadakip ang target sa anti-narcotics operation na si alyas “Robert,” 32-taong gulang.
Nakumpiska mula sa kanya ang walong sachet ng hinihinalang shabu na tumitimbang ng 60 gramo, pati ang P1,000.00 buy-bust money, at isang puting Honda Click 125 motorcycle.
Mahaharap ang suspek sa kasong paglabag sa Sections 5 at 11 ng Article II ng Republic Act 9165 o Comprehensive Dangerous Drugs Act of 2002. (JESSE RUIZ)
177 
