MAHIGIT 700,000 aplikante na ang nagparehistro para bumoto sa 2026 Barangay at Sangguniang Kabataan elections (BSKE), halos kalahati ng target na 1.4 milyong bagong botante ng Commission on Elections (Comelec).

Batay sa datos ng Comelec, may kabuuang 768,263 indibidwal ang nagparehistro para bumoto sa 2026 BSKE noong Nobyembre 30, 2025. Sa bilang, 600,275 ang kabuuang bilang ng mga regular na botante at 167,988 ang para sa Sangguniang Kabataan.

Ayon sa Comelec, umabot sa 164,233 ang mga bagong SK voters.

May kabuuang 845 ang inilipat sa ibang mga lungsod o munisipalidad habang 224 ang inilipat sa loob ng parehong mga lungsod o munisipalidad.

Para sa mga regular na aplikante, o mga 18 taong gulang pataas, ang mga bagong aplikante ay nasa 211,197.

Sa kabuuan, 31,375, ang nag-apply para sa muling pagsasaaktibo.

Ipinagpatuloy ng Comelec ang nationwide voter registration para sa 2026 BSKE noong Oktubre 20, 2025 na tatakbo hanggang Mayo 18, 2026.

Exempted sa panahon ng pagpaparehistro ng botante ang mga lugar sa Bangsamoro dahil sa pagsuspinde sa kauna-unahang parliamentary na botohan.

Maaaring magparehistro ang mga aplikante mula Lunes hanggang Linggo mula 8 ng umaga hanggang 5 ng hapon sa alinmang satellite registration sites o sa kani-kanilang Comelec office, ayon sa poll body.

Ang panahon ng pagpaparehistro ng botante ay mabubuksan din sa lahat ng uri ng aplikasyon kabilang ang:

– paglilipat ng mga talaan,

– new registration

– correction of entries

– reactivation of registration records

– pagsasama ng registration records

– at pagbabalik ng pangalan sa listahan ng mga botante

Nauna nang sinabi ng Comelec na target na makapagparehistro ng 1.4 milyon bagong botante para sa 2026 BSKE sa mahabang panahon sa nationwide registration.

(JOCELYN DOMENDEN)