Kasong kriminal ang isinampa sa Department of Justice (DOJ) ng  Bureau of Customs Action Team Against Smuggler sa ilalim ng Legal Service  laban sa mga opis­yales ng kompanya, Customs broker at dalawang empleyado ng Customs matapos madiskubre ang pagsasabwatan ng mga ito para mailabas ang shipments sa Port of Manila kamakailan.

Kabilang sa mga kinasuhan ay ang mga opisyales ng Orophil Shipping International Co, Inc.; MMD Logistics, Inc.; Lo­renz V. Mangaliman, Customs broker at dalawang empleyado ng Customs na sina Mimosa Maghanoy at Gliceria Umandap.

Ang nabanggit na mga personalidad ay kinasuhan ng paglabag sa Customs Laws partikular ang  Section 1401 at Section 1403 ng Customs Modernization and Tariff Act (CMTA) dahil umano sa ginawang pag-sabwatan sa pag-release ng shipments ng “ship spares in transit” sa Port of Manila-Informal Entry Divi-sion noong 2018.

Bukod dito, ay sinampahan din ng ka­ragdagang kaso sina Mag­hanoy at Umandap  sa paglabag sa Sec-tion 1431 (d) (e) and (f) ng CMTA.

Ang pagsampa ng kaso ay isang babala na rin sa sinumang em­pleyado ng Customs na nakikipagsabwatan sa mga gumagawa ng ilegal  sa Aduana. (Jomar Operario)