BINIGYAN ng 10 araw ng Korte Suprema ang Senado, House of Representatives at iba pang respondents upang magkomento sa petisyong inihain ni Vice President Sara Duterte laban sa kanyang impeachment.
Ito ay matapos talakayin ng Supreme Court En Banc ang pinagsamang petisyon nina Atty. Israelito Torreon at ng Bise Presidente.
Kinuwestiyon sa petisyon ang constitutionality ng impeachment proceedings na kasalukuyang tinatalakay sa House Committee on Justice.
Hinihiling ng kampo ni VP Sara na maglabas ang SC ng temporary restraining order (TRO) upang ipahinto ang proseso, at ideklarang unconstitutional ang dalawang impeachment complaint na inihain laban sa kanya sa Kamara.
(JULIET PACOT)
51 
