TINUTULAN ni Senador Cynthia Villar ang pagpapatuloy ng Parañaque Reclamation Project dahil wawasakin nito ang Las Piñas-Parañaque Wetland Park at magdudulot ng matinding pagbaha sa lalawigan ng Cavite.

Sinabi ni Villar ang naturang pangamba bilang tugon sa nakatakdang public hearing sa Oktubre 1 at 2 para sa pagtatayo ng 287 ektaryang artipisyal na isla sa baybayin ng Manila Bay na sakop ng Parañaque.

“The Parañaque Reclamation Project will be building on the buffer zone of the Las Piñas-Parañaque Wetland Park. This should not be allowed because it will hamper the free flow of water which is critical to the survival of the wetland ecosystem,” sabi ni Villar.

Makasisira rin ang naturang proyekto sa 35 ektaryang mangrove forest na tirahan ng mga isda sa Manila Bay at pinagkukunan ng kabuhayan ng 300,000 mangingisda rito.

Kinontra ni Villar ang pahayag ni Parañaque Mayor Edwin Olivarez, ang project proponent, na mapipigil ang pagbaha ng Imus catchment basin. Binigyan-diin ni Villar na ang imprastraktura ay itinayo para sa kasalukuyang problema sa Cavite na dala ng Cavite expressway.

“According to former DPWH Secretary Singson, the Cavitex Expressway is supposed to be a viaduct based on the plan. However, they reclaimed Manila bay and constructed the expressway on top of the reclaimed road which causes so much flooding in Imus, Bacoor and other places in Cavite,” sabi ni Villar.

“To address this, DPWH built the Imus catchment basin. This project is not intended to solve flooding in Parañaque and Las Piñas,” dagdag pa nito.

Umapela rin ang senadora sa Department of Environment and Natural Resources (DENR) na ikonsidera ang buffer zone ng wetland park bago aprubahan ang anomang reclamation sa nasabing lugar.

Sa ilalim ng Republic Act 1038 o Expanded National Integrated Protected Areas System Act, isang ‘protected area’ ang 175 ektaryang wetland sa katimugang bahagi ng Manila Bay ay isang protected area.

Kabilang ang Las Piñas- Parañaque Wetland sa talaan ng pitong lugar sa bansa na idineklarang ‘wetland of international importance’ ng Ramsar Convention dahil sa kritikal nitong papel sa

kaligtasan sa buhay ng iba’t ibang uri ng mga ibon sa nasabing lugar. (ESTONG REYES)