PINURI ang mahusay na liderato ni House Speaker Ferdinand Martin G. Romualdez ng kanyang mga kapwa mambabatas mula sa iba’t ibang partido sa ilalim ng supermajority ng 19th Congress.

Ayon kay Cavite Rep. Elpidio “Pidi” Barzaga Jr., isang stalwart ng National Unity Party (NUP), ang hindi pagpatol ni Speaker Romualdez sa mga pasaring pulitikal at personal, itinuon lamang ang kanyang atensiyon sa mga gawain para sa ikabubuti ng mga Pilipino.

Samantala, nagpahayag naman ng kumpiyansa sina Ako Bicol party-list Rep. Zaldy Co, pangulo ng Party-list Coalition Foundation Inc. (PCFI); Surigao del Sur 2nd District Rep. Johnny Pimentel,PDP-Laban Deputy Secretary General; Camarines Sur Rep. LRay Villafuerte, NUP President; House Majority Leader at Zamboanga City Rep. Manuel Jose “Mannix” M. Dalipe, Executive Vice President ng Lakas-Christian Muslim Democrats (CMD); Senior Deputy Speaker at Pampanga Rep. Aurelio “Dong” Gonzales Jr., stalwart ng PDP-Laban; Camiguin Rep. Jurdin Jesus “JJ” Romualdo, stalwart ng Lakas-CMD; Quezon Rep. Mark Enverga, stalwart ng Nationalist People’s Coalition (NPC); Surigao del Norte Rep. Robert Ace Barbers, stalwart ng Nacionalista Party (NP); Davao de Oro 1st District Rep. Maria Carmen S. Zamora, kasapi ng Lakas-CMD, at Davao Oriental 2nd District Rep. Cheeno Miguel D. Almario, kasapi ng Lakas-CMD, na magpapatuloy ang magandang performance ng Kamara dahil sa maayos na pamumuno ni Speaker Romualdez at magandang samahan ng Kamara de Representantes at Malacañang.

Ayon naman kay Majority Floor Leader Dalipe, hindi magpapaabala ang Kamara de Representantes sa ingay ng pamumulitika at gagawin na lamang ang mandato nila at ipapasa ang mga panukala na kailangang-kailangan ng administrasyong Marcos.

Samantala, itinuturing naman nina Rep. Zamora at Rep. Almario na action man si Romualdez.

Ayon sa dalawang mambabatas hindi nag-aatubiling tumulong ni Speaker Romualdez para matugunan ang pangangailangan ng kanilang constituents.

Sa kanyang panig, hinamon naman ni Sta. Rosa City Rep. Dan Fernandez, na stalwart din ng NUP, ang lahat na samahan si Pangulong Ferdinand “Bongbong” Romualdez Marcos Jr. sa kampanya nitong pagkakaisa noong nakaraang halalan para sa ikabubuti ng bansa.