LUSOT na sa Senate committee on local government ang panukala na nagdedeklara sa September 11 bilang special non-working holiday sa Ilocos Norte upang gunitain ang kaarawan ni dating Pangulong Ferdinand Marcos.

Alinsunod sa House Bill No. 7137, ipinadedeklara ang September 11 bilang “President Ferdinand Edralin Marcos Day” sa Ilocos Norte.

Sa pagdinig sa Senado, pinangunahan ni Senador Win Gatchalian ang pagsusulong ng approval ng panukala.

“I am moving for an omnibus endorsement to the technical working group to reconcile the different versions and also to request for position papers from the other resource persons,” saad ni Gatchalian.

Nilinaw naman ni Tolentino na ieendorso sa TWG ang panukala para sa pagsasaayos ng mga kataga.

Pangunahing may-akda ng panukala sina Ilocos Norte 1st District Rep. Ria Fariñas, Ilocos Norte 2nd District Rep. Angelo Marcos Barba, at Probinsyano Ako Rep. Rudys Caesar Fariñas. (DANG SAMSON-GARCIA)