DAYUHAN, EXPATS KASAMA SA BINAKUNAHAN

KABILANG na sa mga nabakunahan sa ilalim ng vaccination program ng gobyerno ang ilang mga dayuhan at expats.

Sinabi ni vaccine czar Carlito Galvez, may foreign nationals nang nakatanggap ng bakuna na nasa A2 at A3 category.

Aniya, bahagi rin ito ng reciprocity o pagsusukli sa ginagawa namang pagbabakuna ng mga dayuhang bansa sa ating mga OFW para mabigyan ng proteksiyon sa COVID-19.

Dahil dito, inilakip din ng gobyerno ang mga dayuhan at expats na makinabang sa pagbabakunang ginagawa ng pamahalaan.

Samantala, nitong huling pag-uulat kay Pangulong Rodrigo Roa Duterte ni DOH Secretary Francisco Duque ay sinabi nitong nasa halos dalawang milyon na ang nabakunahang indibidwal subalit hindi naman nabanggit kung ilan dito ang dayuhan. (CHRISTIAN DALE)

54

Related posts

Leave a Comment