Move on na sa impeachment KORUPSYON, COCAINE USE, BAHA ISYU NA HARAPIN - ATTY. RODRIGUEZ

(SAKSI NGAYON NEWS TEAM)

KASUNOD ng pagdedeklara ng Supreme Court na unconstitutional ang impeachment complaint laban kay Vice President Sara Duterte, umapela si Atty. Vic Rodriguez sa publiko na magpokus na sa tunay na problema ng bansa.

Sa kanyang Facebook account, nag-post ang dating executive secretary ng maikling mensahe na nagpapahayag ng pagsang-ayon sa desisyon ng Kataas-taasang Hukuman, na aniya’y tagumpay ng mga Pilipino.

“Tagumpay ang 𝟑𝟐 𝐌𝐈𝐋𝐘𝐎𝐍𝐆 𝐏𝐈𝐋𝐈𝐏𝐈𝐍𝐎 na malaya, kusang loob, payapa at demokratikong pumili at naghalal kay Inday Sara Duterte para maging Bise Presidente laban sa mga 𝐊𝐀𝐌𝐏𝐎𝐍 𝐍𝐆 𝐊𝐀𝐒𝐀𝐊𝐈𝐌𝐀𝐍 sa Kongreso na nais nakawin ang posisyon at tapakan ang sagradong mandato ng mamamayang Pilipino,” bahagi ng kanyang post.

Kasabay nito, binanggit niya ang mga tunay aniyang usapin na kailangang pagtuunan ng pansin.

“Panahon na upang manumbalik ang ating atensyon at tutukan ang mga isyung panlipunan tulad ng 𝐊𝐎𝐑𝐀𝐏𝐒𝐘𝐎𝐍, 𝐂𝐎𝐂𝐀𝐈𝐍𝐄 𝐔𝐒𝐄, 𝐁𝐀𝐇𝐀, 𝐊𝐑𝐈𝐌𝐈𝐍𝐀𝐋𝐈𝐃𝐀𝐃, 𝐊𝐀𝐇𝐈𝐑𝐀𝐏𝐀𝐍 at 𝐊𝐀𝐆𝐔𝐓𝐔𝐌𝐀𝐍,” nakasaad pa sa post ni Rodriguez.

Nagpahaging din siya na isunod na hakbang ng pagkilos ang pagpapatalsik kay Marcos.

“Next move: 𝐈𝐌𝐏𝐄𝐀𝐂𝐇 𝐌𝐀𝐑𝐂𝐎𝐒!” mababasa sa dulo ng FB post.

166