NAKUHA ng MPT South ang Bronze Stevie Award sa kategoryang Innovation in Communications/Public Relations dahil sa maganda at mahusay nitong kampanya na Drayberks Road Safety Advocacy, sa ginanap na prestihiyosong 12th annual Asia-Pacific Stevie Awards sa Seoul, South Korea kamakailan.

Ito ay isang mahalagang yugto para sa MPT South na nagpapakita ng kanyang simula sa Stevie® Award at nagbigay-diin sa lumalaking impluwensiya at pananagutan ng kumpanya na huwarang adbokasiya ng mga inisyatiba katulad ng Drayberks Road Safety Program.

Ang Asia-Pacific Stevie Awards ay isang premyadong business awards program na kumikilala sa inobasyon sa lahat ng 29 markets sa Asia-Pacific region. Sa pandaigdig na pagkilala, ipinagdiriwang ng Stevie Awards ang mga tagumpay sa pamamagitan ng mga kilalang programa gaya ng The International Business Awards®, na ngayon ay nasa kanyang ika-23 na taon.

Noong 2018, sinimulan ng MPT South ang Drayberks Road Safety Advocacy Program nito para sa mga hakbang nito na pagyamanin ang responsableng pagmamaneho ng sasakyan at iangat ang kamalayan sa road safety ng mga Pilipinong driver sa lahat ng klasipikasyon kung saan target na makasama sa programa ang public utility drivers, transport groups, logistics companies, at mga mobility stakeholders.

Bilang pagkilala sa mga drivers na sentro ng galaw at kaligtasan sa kalsada, kaya dinisenyo ang Drayberks na adaptive educational initiative hanggang sa kasalukuyan.Ito ay lagpas sa mga limitasyon ng isang seminar na nagbibigay ng tuluy-tuloy na pagtuturo ng disiplina at kamalayan sa trapiko na epektibong tulay sa mahalagang puwang sa pagitan ng panteoryang regulasyon sa trapiko at ng kanilang praktikal na aplikasyon sa mga totoong senaryo sa daigdig.

(Danny Bacolod)