NANGAKO ang Kongreso na ipapasa ang 10 priority measures ng administrasyong Marcos sa Hunyo ngayong taon kabilang na ang kontrobersiyal na Maharlika Investment Fund.
Inihayag ito ng Malakanyang.
Tinalakay sa executive committee meeting ng Legislative-Executive Development Advisory Council (LEDAC) ang 10 priority bills na kinabibilangan ng panukalang Build-Operate-Transfer (BOT) Law/Public-Private Partnership (PPP) bill; Medical Reserve Corps; pagtatatag ng Philippine Center for Disease Prevention and Control at maging ang Creation of the Virology Institute of the Philippines;
Mandatory Reserve Officers Training Corps (ROTC) at National Service Training Program (NSTP); Condonation of Unpaid Amortization and Interests of Loans of Agrarian Reform Beneficiaries (ARBs); panukalang Internet Transactions Act/E-Commerce Law; Maharlika bill;
panukalang Attrition law; AFP Fixed Term; at Salt Industry Development Bill.
Ang LEDAC meeting ay pinangunahan ni Executive Secretary Lucas Bersamin sa Premier Guest House sa Palasyo ng Malakanyang at dinaluhan din nina Senate President Juan Miguel Zubiri, House Speaker Ferdinand Martin Romualdez, at Socioeconomic Planning Secretary Arsenio Balisacan.
Ang listahan ng mga opisyal sa ilalim ng executive branch na dumalo ay kinabibilangan naman nina Special Assistant to the President Secretary Antonio Lagdameo Jr., Department of Budget and Management (DBM) Secretary Amenah F. Pangandaman, Department of Trade and Industry (DTI) Secretary Alfredo E. Pascual, Department of Environment and Natural Resources (DENR) Secretary Maria Antonia Yulo Loyzaga, Department of Agriculture (DA) Senior Undersecretary Domingo F. Panganiban, Presidential Legislative Liaison Office (PLLO) Secretary Mark Llandro L. Mendoza, Department of Finance (DOF) Assistant Secretary Valery Brio, at Department of the Interior and Local Government (DILG) Undersecretary Juan Victor Llamas.
Ang mga kinatawan naman ng legislative branch ay sina Senate Majority Leader Joel Villanueva, Senate President Pro Tempore Loren Legarda, Senator Sonny Angara, Deputy Speaker Ralph G.
Recto, Majority Leader Manuel Jose M. Dalipe, Minority Leader Marcelino C. Libanan, Representatives Sandro Marcos, at Stella Luz A. Quimbo.
Sa Hunyo 2 ay sine die adjournment para sa first regular session ng 19th Congress. (CHRISTIAN DALE)
86 
