(BERNARD TAGUINOD)
GANITO ang pahiwatig o dating sa publiko ng patutsada ni Kabataan party-list Rep. Raoul Manuel sa kinatawan ng Duterte Youth na si Drixie Cardema.
Ayon sa kinatawan ng mga kabataan, handa siyang makipagdebate kay Cardema kung pisikal sana itong dumadalo sa plenary sessions.
Bago ito, nag-privilege speech si Manuel na nagsabing naka-assume na bilang kongresista si dating Comelec Commissioner Rowena Guanzon ng P3PWD party-list noong Hunyo 30.
Ang tugon ni Cardema, “The Leftist Kabataan Rep. Manuel deliberately did not mention this Supreme Court Ruling and lied in open session that Guanzon assumed already last June 30. It is already public knowledge that Guanzon was not allowed by the SC to assume office last June 29 therefore she did not become a Member of the House of Representatives last June 30.”
“Well, what do we expect from a fake party-list like Duterte Youth whose name doesn’t even sound like a marginalized group?,” patutsada naman dito ni Manuel.
Kinuwestiyon ng Duterte Youth partikular ni National Youth Commission (NYC) Chairman Ronald Cardema ang pagiging kinatawan ni
Guanzon ng P3PWD party-list dahil naging nominee lamang ito noong Pebrero 2022 gayung may patakaran ang komisyon na puwedeng magpalit ng kandidato, isang buwan pagkatapos maghain ng certificate of candidacy ang isang party-list organization.
“If Cong. Drixie Cardema has any issues with my privilege speech, I hope she had been attending our plenary sessions in Congress physically and more regularly so we can debate on the topic of my speech,” ayon pa kay Manuel.
Mistulang pasaring ito na hindi regular na dumadalo nang personal si Cardema sa sesyon ng Kongreso.
Samantala, habang sinusulat ito ay nakatakdang manumpa kay House Speaker Martin Romualdez bilang bagong kinatawan ng Bicol Saro party-list si Rep. Brian Yamsuan kapalit ni dating Rep. Nicolas Enciso VIII.
Si Yamsuan ay dating deputy secretary general ng mababang kapulungan ng Kongreso noong panahon ni dating Speaker Alan Peter Cayetano.
170 
