NABITAG ng mga operatiba ng Station Drug Enforcement Unit (SDEU) ng Manila Police District – Sta. Cruz Police Station 3, ang isang hinihinalang tulak ng ilegal na droga sa ikinasang buy-bust operation sa Cavite Street, Barangay 371, Sta. Cruz, Manila noong Lunes ng madaling araw.

Kinilala ang suspek na si Efren Reyes, hindi ang sikat na artista, 57, binata, residente ng Sta. Cruz, Manila.

Ayon sa ulat ng SDEU na isinumite ni Police Lieutenant Colonel Leandro Gutierrez, station commander, bandang alas-3:20 ng madaling araw nang ikasa ng mga awtoridad ang buy-bust operation na nagresulta sa pagkakadakip sa suspek.

Nakumpiska mula sa suspek ang 15 gramo ng umano’y shabu na tinatayang P102,000 ang halaga.

Ang suspek ay nahaharap sa kasong paglabag sa Republic Act 9165 (Comprehensive Dangerous Drugs Act of 2002). (RENE CRISOSTOMO)