MAHIGIT P11 milyong halaga ng iba’t ibang produktong pagkain at ukay ang nasabat ng Bureau of Customs- Manila International Container Port (BOC-MICP) na nagmula sa Hong Kong, Korea at Brazil noong nakaraang Disyembre 6.
Ang nasabing mga kargamento na nakalagay sa 6 na container, 5 naglalaman ng misdeclared food products at 1 naglalaman ng misdeclared na used clothing.
Ang mga nasabat na food items ay naka-consign sa JL Twins Enterprises and Great Prosperity Import and Export Enterprises.
Samantala ang shipment ng used clothing ay naka-consign sa Five JHoch Enterprises.
Kaugnay nito, ang MICP ay naghihigpit laban sa smuggling ng food products para lubusang matupad ng BOC na protektahan ang Filipino consumers laban sa hazardous import goods.
Dahil dito, ang mga food product ay mapapasailalim sa ‘forfeiture proceedings due to the lack of FDA permit’, samantala ang used clothing ay para itapon para sa usapin ng health hazards.
Ang shipments ay may paglabag sa Sections 1400 at 1113 ng Customs Modernization and Tariff Act; RA 3720 o ang Food, Drug and Cosmetic Act; at RA 4653 o An Act to Safeguard the Health of the People and Maintain the Dignity of the Nation by Declaring it a National Policy to Prohibit the Commercial Importation of Textile Articles Commonly Known As Used Clothing and Rags. (Joel O. Amongo)
297
