INSTANT milyonaryo ang isang mananaya ng SuperLotto 6/49 mula sa lalawigan ng Quezon makaraang masolo nito ang jackpot prize.
Sa kalatas na inilabas ng PCSO, nakuha ng mananaya ang kumbinasyon na 17-27-21-30-15-20 na may jackpot prize na P89,548,070.20.
Nabili ang maswerteng tiket mula sa isang outlet sa Bonifacio St., Gumaca, Quezon.
Nasa 38 indibidwal naman ang nanalo ng tig-P24,000.00 makaraang makakuha ng limang kumbinasyon.
Ang SuperLotto 6/49 ay binobola tuwing araw ng Martes, Huwebes at Linggo.
(TOTO NABAJA)
53
