KASUNOD ng kanyang desisyon na sumabak sa 2022 Presidential Elections, opisyal nang nagretiro sa boksing si Senador Manny ‘Pacman’ Pacquiao.
Ito ay matapos ang 26 na taong karera sa boksing kaya siya tinaguriang Pambansang Kamao at may hawak ng record bilang eight-division world champion.
“To the greatest fans and the greatest sport in the world, thank you! Thank you for all the wonderful memories,” saad ni Pacquiao.
“This is the hardest decision I’ve ever made, but I’m at peace with it. Chase your dreams, work hard, and watch what happens. Goodbye boxing,” dagdag ng senador.
Ginawa ni Pacman ang kanyang deklarasyon sa kanyang Facebook page kung saan nito pinasalamatan ang lahat ng taong tumulong sa kanyang boxing career.
Bilang boxing icon, si Pacquiao ay may win-draw-loss record na 62-8-2 kung saan 39 sa kanyang panalo at sa pamamagitan ng knockouts.
Ilan sa kanyang mga tinalo ang Mexicans na si Juan Manuel Marquez, Marco Antonio Barrera, at Erik Morales gayundin ang American boxer na si Oscar De La American.
Isa sa kanyang pinakamalaking laban ay kay Floyd Mayweather Jr. noong 2015 kung saan naman siya natalo via unanimous decision.
Agad naman siyang pinapurihan ng mga kasamahan sa Senado.
“I congratulate him for an exceptional boxing career. He is truly an inspiration to many,” pahayag ni Senate President Pro Tempore Ralph Recto.
“The same focus (includes discipline) he showed in winning a world record 8 divisions (weight classes) in boxing, he will now give to his campaign and beyond,” saad naman ni Senador Koko Pimentel. (DANG SAMSON-GARCIA)
188 
