PIGILAN ang Manny Pacquiao vs. Errol Spence Jr. fight.
Ito ang tanging nakikitang dahilan ng legal team ng eight division world champion hinggil sa lawsuit na isinampa ng Paradigm Sports.
“The complaint filed by Paradigm Sports in California state court on Friday is “a frivolous effort to interfere” with the Filipino’s upcoming mega fight,” panimula ng official statement mula kay Dale Kinsella, kumakatawan kay Pacquiao.
Una rito, iniulat ng The Athletics na nagsampa ng ‘breach of contract lawsuit’ ang Paradigm Sports, sa pangunguna ng sports manager nitong si Audie Attar na nais bawiin ang $3.3 million advance na ibinigay kay Pacquiao nang pumirma ang Pambansang Kamao sa nasabing sports promotion.
Ito’y matapos maikasa ng Paradigm Sports ang Pacquiao vs Mikey Garcia fight, ngunit napagbago ni MP Promotions President Sean Gibbons ang isip ni Pacquiao at bumalik kay Al Haymon ng Premier Boxing Champions (PBC) para naman sa laban kay Spence sa Agosto 21 sa T-Mobile Arena sa Las Vegas.
Sa ilalim ng PBC promotions ang huling laban ni Pacquiao, nang talunin si Keith Thurman noong 2019.
Ayon kay lawyer Kinsella ng Kinsella Weitzman Iser Kump LLP, maraming dahilan para mabigo ang nasabing reklamo.
“Moreover, had Manny Pacquiao known that Paradigm Sports appears to have had no intention of fulfilling its contractual obligations, he never would have entered into any relationship with them,” saad pa ng statement.
210
