PINAPIRMA na ng one-year extension contract ng TNT KaTropa si Ray Parks Jr.
Dahil dito, isama pa ang pagkuha kay big man Poy Erram, ay kumpleto na ang KaTropa, ayon kay active team consultant Mark Dickel.
Ang 26-anyos na si Parks ay may average na 18.8 points, 6.3 rebounds, 3.5 assists at 1.4 steals noong naglalaro pa siya para sa Blackwater Elite.
Ngunit mula sa 39 percent shooting ay bumaba ito sa 37. 6% o 12.2 points sa siyam na beses na paglalaro niya sa TNT.
Samantala, malabo nang mapasama pa si Parks sa Gilas Pilipinas para sa FIBA Asia Cup qualifiers, ayon kay team manager Gabby Cui.
“Although Ray wants to help, he said that he wants to come by and help, I said maybe it’s best for him to concentrate on TNT. There’s no more time. The guys have been practicing for two weeks.”
Ngunit maaari pa rin siyang mapasama sa Gilas sa second window sa Nobyembre.
“We want him for the other window and all the other guys who weren’t able to make it because of their preparation for the PBA. Gilas is always there,” sabi ni Cui. “We want all of our PBA players there, all the best players.”
147
