ITINALAGA si retired Supreme Court Justice Rosmari Carandang bilang chancellor ng Philippine Judicial Academy (PhilJA), judicial education arm ng korte.

Pinalitan ni Carandang si retired SC Justice Arturo Brion.

Sa harap naman ni Chief Justice Alexander Gesmundo nanumpa para sa kanyang tungkulin si Carandang na ginanap sa SC Session Hall nitong Miyerkoles.

Siya ang pangalawang babae na hahawak ng mataas na PhilJA post matapos ang namayapang SC magistrate Ameurfina Melencio Herrera.

Si Carandang ay nagretiro noong Enero 9 sa hudikatura makaraan ang 30 taong serbisyo. (CHRISTIAN DALE)