BILANG tugon sa inaasahang pagtaas ng konsumo sa elektrisidad sa panahon ng tagtuyot, muling isinulong ni Senador Grace Poe ang promosyon at pagtataguyod ng rooftop solar sa buong bansa.

Sa pahayag, sinabi ni Poe na base sa presentasyon ng Joint Congressional Energy Commission, tinataya ng Department of Energy na aabot 11,841 megawatts (MW) ang pangangailangan sa elektrisidad sa Luzon sa Mayo. “Peak demand is also expected to reach 2,394 MW in Visayas and 2,098 MW in Mindanao.”

“Summer is usually the season for higher energy demand and costlier electric bills. But we should also see it as a renewed opportunity to promote technology that can harness energy from the sun when it is most available,” ayon kay Poe, awtor ng Senate Bill No. 581 o ang panukalang “Solar Rooftop Adoption Act of 2019.”

Aniya, tumataas ang pangangailangan sa elektrisisda sa panahon ng tag-araw na pinapalala pa ng hindi planadong pagsasara ng mga coal-fired power plants.

Nitong Abril, ayon kay Poe, tumaas ang halaga ng elektrisidad para sa residential consumer sa Luzon dahil kakaunti ang suplay sa pagtaas ng pangangailangan na aabot sa 1,000 MW dahil umabot sa 3,4000 MW nawala sa pagsasara ng ilang planta.

Tumataas ang halaga ng kuryente kung mataas ang pangangailangan sanhi ng marami ang gumagamit ng electric fans o air-conditioning units.Base sa pag-aaral ng United States Agency for International Development na kapag bumaba ng 10 porsiyento ang peak demand, potensiyal na bumaba ang sport price ng kuryente sa 20 porsiyento.

“Indeed, the extra sunlight brings additional expense to our households. But if adoption of rooftop solar is more widespread, we can offset costs by harnessing the extra rays as an energy source,” ayon kay Poe.

Tinukoy din ni Poe ang pag-aaral ng Institute for Climate and Sustainable Cities na aabot sa 2.5 gigawats peak ang makukuha sa Metro Manila kung may solar panel sa bawat tahanan.

Katumbas ito ng halaga ng nagagawang elektrisidad ng isang 500-MW coal-firedd plant. Maaaring iimbak ang sobrang elektrisidad na nakakuha kapag may araw para magamit sa gabi o ibenta sa merkado, ayon kay Poe.

“The lack of interest in promoting rooftop solar is really baffling, considering its potential benefits,” dagdag ni Poe.

“The standardization of permits and licenses needed to install rooftop solar panels and the institutionalization of the rooftop solar loan program of the Pag-IBIG Fund are among the proposed reforms in Senate Bill No. 581,” dagdag ng senador. (ESTONG REYES)