UMAPELA si ACT Teachers Partylist Rep. Antonio Tinio sa administrasyon ni Pangulong Ferdinand Marcos Jr. na agad aprubahan ang pagtaas ng Personnel Economic Relief Allowance (PERA) kasunod ng pagsirit ng inflation rate sa 4.1% nitong Marso.
Ayon kay Tinio, halos nadoble ang inflation mula 2.4% noong Pebrero, dulot ng umiiral na global crisis.
“Every peso of a teacher’s pay buys less. Combined with relentless oil price hikes, this is an emergency for educators and public servants. PERA must be increased now,” ani Tinio.
Binigyang-diin ng mambabatas na nananatiling P2,000 ang PERA mula pa noong 2009 kaya’t hindi na ito sapat sa tumataas na presyo ng bilihin, pamasahe at kuryente. Iginiit niyang dapat itong itaas sa P5,000.
“PERA is supposed to be economic relief, but it has been kept at a level that no longer relieves anything. Government employees—especially teachers—are being asked to do more with less, while prices keep rising. This is unacceptable,” dagdag pa niya.
Nanawagan din si Tinio sa administrasyon na seryosohin ang krisis at maglatag ng konkretong solusyon sa halip na maliitin ang sitwasyon.
(TINA MENDOZA)
55 
