KINUMPIRMA ni Senador Ronald “Bato” dela Rosa na nagpositibo siya sa COVID-19 matapos sumalang sa test dahil sa kanyang ubo at sipon.
“I’m sorry to inform you that I tested positive for COVID-19 yesterday. To all who made contact with me, please do the appropriate protocols,” pahayag ni dela Rosa.
Nakumpirma rin ng kampo ng senador na maging ang anak na babae ni dela Rosa ay nagpositibo sa virus subalit asymptomatic ito.
Huling nagtungo si dela Rosa sa Senado noong Miyerkoles kaya naman lahat ng mga senador at mga staff na nagkaroon ng close contact sa kanya ay sumailalim sa swab anti-gen test.
“Well, he was in the Senate last Wednesday but we did not have any close contact but nag-swab anti-gen test na rin kami last night. Negative naman ako,” saad ni Senate President Vicente ‘Tito’ Sotto III sa mensahe sa Senate media.
Si dela Rosa ang ikalimang senador na nagpositibo sa COVID-19 kasunod nina Senate Majority Leader Migz Zubiri, Senador Sonny Angara, Senador Koko Pimentel at Senador Bong Revilla. (DANG SAMSON-GARCIA)
163 
