Buwis-buhay ang isang pre-nup photo nina Joyce Pring at Juancho Trivino na kinunan sa Siargao, huh?!

Umakyat ang magsing-irog sa nakatabinging puno ng niyog at doon nag-pose. Any moment ay mahuhulog sila sa Maasin River.

Ano ang ibig nilang ipahiwatig?! Alat man o tamis, hahamakin ng kanilang pag-ibig?!

Best wishes sa Juanchoyce!

AIKO VILLAINESS NA TUMATATAK

Kinakalawang na ang istorya ng Kadenang Ginto, na noong Oktubre 2018 pa nag-umpisa. Na-stretch nang na-stretch ang mga ganap nito sa tagal. Lumaylay na. Nakakaumay.

Andaming reklamo ang nabasa ko sa socmed. At na-reflect iyon sa ratings. Kinakabog na ito ng kasabay na Prima Donnas, sa NUTAM/AGB Nielsen man o sa Kantar Media.

Aba! Lucky charm ng Prima Donnas si Aiko Melendez, ha?! Tumatatak ang pagkokontrabida ni Aiko, at humahatak ng televiewers.

Kaya dapat tapusin na ang Kadenang Ginto bago tuluyan itong sumadsad, ‘no?!

JENINE KNOWS BEST ABOUT JANELLA

Masalimuot ang samahan ng mag-inang Jenine at Janella Salvador, lalo pa’t nakipag-ayos na si Janella sa ama nitong si Juan Miguel Salvador.

Huwag nating basta-basta husgahan si Jenine. Huwag siyang i-provoke. Maraming isinakripisyo si Jenine para kay Janella, at naniniwala akong totoo para sa kanila ang kasabihang, “Mother knows best.”

May mga bagay, usapin o pangyayari na nananahimik, at makabubuting huwag nang ungkatin at halukayin.

GALING NI SNOOKY BILANG INA NI PACHO

Oh, yes, Tito KC! Kalahok ang pelikulang In the Name of the Mother sa 40th Fantasporto-Porto International Film Festival (Pebrero 25-Marso 😎 sa Portugal.

Lalaban ito sa Director’s Week section, maging sa Orient Express section.

Idinirek ito ni Joel Lamangan, mula sa panulat ni Eric Ramos. Ang galing-galing dito ni Snooky bilang ina nina Pancho Magno, Rita Daniella at Miggs Cuaderno.

Kasama rin sa cast ng family drama na ito sina Gardo Versosa, Empress Shuck, Alan Paule, Vince Rillon, Jennifer Sevilla, Soliman Cruz, Mico Aytona at Diana Zubiri. Prinodyus ito ng Heaven’s Best Entertainment.

Naku! Isali rin sana ito sa 1st Metro Manila Summer Film Festival. Iyon na, Dennis Evangelista! (PROOOF NI JERRY OLEA )