UMAKYAT ang Philippine Blu Girls sa world rankings sa pagpasok ng 2020.

Nakalikom ang national women’s softball team ng 2,110 points at umakyat ng dalawang pwesto – – no. 11 mula sa dating no. 13 spot.

Sa nakaraang 30th SEA Games, inangkin ng Blu Girls ang ikasampung sunod nitong gold medal na nagkaloob sa kanila ng 30 puntos.

Naging malaking ambag sa ranking points ang 4th place finish ng Pilipinas sa Asian Women’s Softball Championship 2019.

Nakakuha ang youth team ng 55 points sa 4th place finish sa 2019 Under-17 Women’s Softball Asia Cup.

Sa Asia, nasa pang-apat na pwesto ang Pilipinas sa likod ng Japan, Chinese-Taipe at China.  (VT ROMANO)