(NI KIKO CUETO) DUMAGSA na ang mga pasahero na galing probinsya sa mga terminal ng bus, paliparan at pantalan ngayong Sabado, hudyat ng balik trabaho at matinding trapik sa Lunes. Nagtapos na rin ang mahabang bakasyon dahil sa Christmas Break. Bukas, Linggo ay inaasahan pa ang dami ng pasahero at pagsisikip sa trapiko. Sa Ninoy Aquino International Airport, dagsa ang mga nagbabalik mula sa mga probinsya. Sa pier naman, aabot sa 200,000 pasahero ang dumaan mula alas-6 ng umaga hanggang alas-6 ng gabi ng Biyernes, ayon sa Philippine Coast Guard.…