EXTENDED hanggang Hunyo 30 ang travel restriction na ipinatutupad sa mga pasahero na manggagaling sa India, Pakistan, Bangladesh, Sri Lanka, Nepal, United Arab Emirates, at Oman.

Layon nito na matiyak na magpapatuloy ang mahigpit na border control para mapigilan ang Delta variant na makaabot sa mga komunidad at magkaroon ng community transmission.

Ang nabanggit na variant, unang na-detect sa India, ay mas nakahahawa batay na rin sa naging karanasan ng ibang bansa.

Dahilan naman ito para magpatuloy ang pagiging vigilante ng lahat.

“Let it be clear, however, that Filipinos covered by the repatriation programs of the government and repatriation activities of manning / recruitment agencies cleared by the Bureau of Quarantine are not prohibited from entering the Philippines,” ayon kay Sec. Harry Roque.

Maaari aniyang makapasok ang mga ito sa bansa, “subject to testing at quarantine protocols. (CHRISTIAN DALE)