IPINAGDIWANG ng Bureau of Customs (BOC) – Port of Iloilo, kasama ng iba pang mga ahensya ng gobyerno at pribadong sektor, ang unang paglalayag ng MV Kiti Bhum, isang international containerized vessel na ino-operate ng Regional Container Lines (RCL).
Para markahan ang nasabing makabuluhang okasyon sa siyudad at lalawigan ng Iloilo, isang brief inauguration ceremony ang isinagawa sa Philippine Ports Authority noong Hulyo 22, 2023.
Ang RCL’s container ship MV Kiti Bhum, na may kapasidad na 889 TEUs (twenty-foot equivalent units), ay naglayag mula Singapore patungo sa Iloilo, na dala-dala ang imported containerized cargo.
Kabuuan ng 50 TEUs ng imported rice, na naka-consigne sa Kingfields Rice Solutions Inc., ang idiniskarga sa Iloilo Commercial Port Complex.
Sa pag-iikot at paglalayag sa Singapore-Iloilo-Cebu-Cagayan de Oro-Zamboanga, ang barko ay inaasahan na babalik sa Iloilo tuwing ikalawang linggo.
“With the development of Iloilo Commercial Port Complex and importation of containerized cargo, the port will serve as an important transportation hub that will facilitate movement of goods to businesses in local communities and worldwide markets,” pahayag ng isang opisyal ng BOC-Port of Iloilo sa isinagawang programa.
Sa ilalim ng patnubay ni Customs Commissioner Bienvenido Y. Rubio at sa kooperasyon ng BOC-Port of Iloilo officials and employees, ang bureau ay patuloy sa pagsuporta sa mga inisyatiba ng City Government of Iloilo at Provincial Government of Iloilo, pati na rin ang kanilang kaalyadong gobyerno at pribadong institusyon sa pagpapaunlad ng ekonomiya sa Western Visayas.
(BOY ANACTA)
378
