LUMIKHA ng pagsisikip ng trapiko ang paglobo ng bilang ng mga truck na pumupunta at lumalabas ng mga pantalan ngayong Undas sa Capulong Street, sa Tondo, Maynila partikular sa area ng Manila International Container Terminal (MICT) access roads, ayon sa Philippine Ports Authority (PPA).

Dahil dito, nakipagkoordinasyon ang PPA-MICT at International Container Terminal Services Inc. sa Manila Traffic and Parking Bureau at Metropolitan Manila Development Authority para magsagawa ng traffic management measures at tiyakin na isang lane lang ang ookupahin ng mga truck.

“Affected truck drivers and other motorists are advised to allow extra travel time and, if possible, avoid this route for now,” mungkahi ng PPA para makabawas umano sa volume ng mga sasakyan at makaiwas sa trapik.

(JESSE RUIZ)