Senator Cynthia A.Villar received a souvenir stuffed flamingo from Mr. Chris Rostron International Engagement Manager Wildfowl and Wetland Trust Head, Wetland Link International – Global. The United Kingdom where Roston hailed has 7 species of flamingo in their wetland; this is part of their flamingo conservation program.
UPANG iangat ang kaalamang “cradle of biodiversity” sa mga wetland, muling inihain ni Senator Cynthia A. Villar ang Senate Bill 124 o ang National Wetlands Conservation Bill sa pagbubukas ng ika-19 Kongreso.
Sa kanyang pahayag sa pagdiriwang ng 8th Wetland Link International – Asia Conference sa Villar SIPAG noong July 28, 2022, iginiit ni Villar na layunin ng panukalang batas na gabayan ang lahat ng concerned national government agencies at local government units na gawin ang mga polisiyang naaayon sa wetland conservation at matalinong paggamit nito.
Isinusulong din niya ang pagtatayo ng matibay na “buffer zone” sa Manila Bay at nilalabanan ang anumang balak na reklamasyon para mapigil ang pagkasira ng Las Piñas-Parañaque Wetland Park (LPPWP).
Inamin niya na marami pang dapat gawin ang Pilipinas para alagaan ang ating wetlands.
“With our country’s archipelagic nature, we have an abundant number of wetlands that call for much-needed attention,”ani pa ng chairperson ng Senate Committee on Environment.
Base sa 2016 Atlas of Philippine Inland Wetlands and Classified Caves, meron tayong 314 inland wetlands at 2,487 river systems. Sa bilang na ito, 314 wetlands ang 221 lakes, 12 marshes at swamps, 9 peat lands, 39 water storage, at 31 ang ponds.
Ipinagmalaki rin niya ang wetland sa kanyang hometown sa Las Piñas City- ang Las Piñas-Parañaque Wetland Park (LPPWP).
Pinasalamatan din ng senador ang Society for the Conservation of Philippine Wetlands, DENR – NCR, Ramsar Regional Center for East Asia, at Wildfowl and Wetlands Trust UK sa pagdadala ng 8th Wetland Link International – Asia Conference sa bansa, partikular sa Las Piñas City. (ESTONG REYES)
226 
