DELAY SA PAGPIRMA SA NAT’L BUDGET WALANG EPEKTO SA EKONOMIYA 

(NI BERNARD TAGUINOD)

KUMPIYANSA ang liderato ng Mababang Kapulungan ng Kongreso na hindi makaaapekto sa ekonomiya ang anim na araw na delay sa pagpirma ni Pangulong Rodrigo Duterte sa 2020 national budget na nagkakahalaga ng P4.1 Trillion.

Ayon kay  House committee Information and Communications Technology chair Victor Yap, ng Tarlac, wala itong nakikitang indikasyon na magkakaroon ng malaking epekto sa ekonomiya ang isang linggong delay sa pambansang pondo.

“For a week, I don’t think it will affect the economy unlike last year when it was (delayed) like half a year almost,” ani Yap na ang tinutukoy ay ang P3.757 Trillion na 2019 national budget na 5 buwang nagdelay dahil sa pork barrel issue.

Nabatid na sa Enero 6 pa umano pipirmahan ni Duterte ang national budget dahil nire-review pa umano nito ang inaprubahang pambansang pondo ng dalawang Kapulungan ng Kongreso.

“The signing on January 6 will be in time to finance the necessary expenditures especially the social services and the ‘Build, Build, Build’ projects. This will pump prime the economy,” ayon naman kay Ako Bicol party-list Rep. Alfredo Garbin

Unang itinakda ng Palasyo na pipirmahan ni Duterte ang pambansang pondo noong Disyembre 18, 2019 subalit hindi ito natuloy dahil pinag-aaralan pa niya ito.

Magugunita na naging kontrobersyal ang 2020 national budget matapos ilutang ni Sen. Panfilo Lacson na may pork barrel pa rin umano dito  sa inaprubahan  sa bicameral conference committee na umaabot sa P83 Billion.

Kabilang na rito ang flood control projects na hindi idinetalye kung saang lugar itatayo at ilang kilometro kaya hiniling ng mga militanteng mambabatas kay Duterte na i-veto ito.

Read More

2020 NAT’L BUDGET ‘DI DAPAT MA-DELAY; MAHIHIRAP APEKTADO

martin100

(NI BERNARD TAGUINOD)

WALANG plano ang liderato ng Mababang Kapulungan ng Kongreso na idelay ang pagpapatibay sa 2020 national budget na nagkakahalaga ng P4.1 Trillion dahil mahalaga ito para maiangat ang mga pobre sa kahirapan.

Ito ang kapwa iginiit nina House majority leader Ferdinand Romualdez at House deputy speaker Raneo Abu, nitong Linggo, kaugnay ng 2020 national budget na simulang busisiin noong nakaraang linggo.

“We, in Congress, support the initiatives of the Duterte administration to empower the poor through increased subsidies and grants aimed at ending the intergenerational cycle of poverty in the country,” ani Romualdez.

Sa ilalim ng nasabing pondo, P108 billion dito ay para sa Pantawid Pamilyang Pilipino Program o 4Ps kung saan tataasan buwanang tinatanggap ng may  4.1 Million mahihirap na pamilya sa buong bansa.

Bukod dito, kailangang hindi umano mapurnada ang P166.5 Billion na pondo Unversal Health Care (UHC) para mas marami pang mahihirap na mamamayan na nagkakasakit ang matulungan.

Sinabi naman ni Abu na hindi dapat madelay ang national budget upang hindi mabalam ang mga programa ng gobyernong Duterte para maiangat ang buhay ng lahat ng mamamayang Filipino.

“We will not allow any budget delay because it will derail President Duterte’s poverty reduction efforts. House leaders under Speaker Cayetano will ensure that the government will be able to accelerate the implementation of its infrastructure projects by providing the necessary funding,” ani Abu.

Magugunita na halos kalahating taong nadelay ang 2019 national budget na nakaapekto umano ang ekonomiya ng bansa dahil hindi nasimulan ang mga programang kailangan ng mamamayan.

 

Read More