UMABOT sa 100 kilo ng umano’y shabu na tinatayang nagkakahalaga ng P680 milyon, ang nasamsam ng mga tauhan ng Philippine Drug Enforcement Agency sa isinagawang anti-narcotics operation na nagresulta sa pagkakadakip ng dalawang high value drug personalities.

Ayon sa ulat na ibinahagi ng tanggapa ni PDEA Director General USEC Isagani Nerez, nagsagawa ng joint buy-bust operation ang kanyang mga tauhan nitong Mayo 14, 2025, sa Friendship Highway, Barangay Sto. Domingo, Angeles City, Pampanga.

Dito ay nadakip ang dalawang high-value targets (HVTs) at nakumpiska ang tinatayang 101 kilograms ng suspected shabu, na may estimated standard drug price (SDP) na P680 milyon.

Matagal na umanong tinugaygayan ng intelligence operatives ng PDEA ang kanilang target bago nailatag ang ipinatupad na successful buy-bust operation.

Katuwang sa nasabing anti-illegal drug operation ang PDEA – Intelligence Service (PDEA IS), na pinamumunuan ni IAI Bayani Alpon II, katuwang ang PDEA RO NCR – RSET 2, PDEA Pampanga Provincial Office, Armed Forces of the Philippines – Counter Intelligence Group (AFP CIG), Angeles City Police Office – Drug Enforcement Unit (ACPO DEU), PNP Information Technology Management Service (PNP ITMS), Regional Intelligence Division, PRO3, Angeles City Police Office – Police Station 1, PRO3 Regional Police Drug Enforcement Unit (RPDEU), City Intelligence Unit (ACPO CIU), CIT-Angeles, RIU3.

Nadakip sa nasabing operasyon ang isang alias “Wang”, Chinese national, residente ng Clark, Pampanga at alias “Shania”, ng San Sebastian, Tarlac City.

“The suspects were apprehended during the culmination of a meticulously planned buy-bust operation,” ayon sa ulat na ibinahagi ni PDEA Public Information Office Director Lawin Gabales.

Kasalukuyang sumasailalim sa imbentaryo at chemical analysis ang mga nasamsam na droga habang inihahanda ang kasong paglabag sa Republic Act 9165 (Comprehensive Dangerous Drugs Act of 2002) laban sa dalawang suspek.

“This operation highlights the continued commitment and synergy of the Philippine Drug Enforcement Agency, the Philippine National Police, the Armed Forces of the Philippines, and other support units in the relentless campaign against illegal drugs,” ani Usec Nerez.

(JESSE KABEL RUIZ)