PINAHABA ng Metro Manila Council (MMC) ang curfew hours sa National Capital Region.

Simula kahapon, umiiral na ang 10 p.m. hanggang 4 a.m. na curfew mula sa dating 12 a.m. hanggang 4 a.m. bunsod ng pagtaas ng bilang ng COVID-19 cases at para kontrolin ang transmission ng Delta variant.

Ang COVID-19 Delta variant ay itinuturing na “highly contagious with an R Naught (R0),” ito’y isang measure ng contagion o reproduction rate, ng 5 hanggang 8 “that may potentially trigger an exponential surge and local transmission in densely populated areas like the NCR,” ayon kay MMDA Chairman Benhur Abalos.

Sinabi pa ni Abalos na kailangang limitahan ang public movement.

“Since the Delta variant spreads exponentially, we should not let our guards down and implement necessary restrictions to contain the virus,” ayon kay Abalos. (CHRISTIAN DALE)