NANANATILING kritikal ang kondisyon ng dalawang police generals na kasama ni PNP Chief Gen. Archie Gamboa sa bumagsak na helicopter sa Laguna.

Kinilala ni Police Lieutenant General Camilo Cascolan ang dalawa na sina PNP Director for Intelligence Police Major General Mariel Magaway at si Director for Comptrollership Police Major General Jose Maria Ramos.

Sinabi ni Cascolan na si Gamboa ay stable na ang kondisyon.

Dinala siya sa St. Luke’s Hospital sa Bonifacio Global City sa Taguig pasado alas-10 ng umaga.

Isa pang mataas na opisyal ng PNP na si PNP spokesman Police Brigadier General Bernard Banac, ay stable na rin umano ang kondisyon. KIKO CUETO